Góður rekstur að nýta hráefni betur

Jón Axelsson hjá Skólamat segir frá áhugaverðri sögu þessa 20 ára gamla fjölskyldufyrirtækis í Reynslubankanum.


„Það er líka hluti af góðum rekstri að sinna umhverfismálum og nýta hráefni betur“ segir Jón Axelsson hjá Skólamat sem segir frá áhugaverðri sögu þessa 20 ára gamla fjölskyldufyrirtækis í Reynslubankanum.

Jón segir fyrirtækið hafa aukið arðsemi sína samhliða því að tekið hafi verið á matarsóun með skipulögðum hætti. Skólamat stofnaði faðir Jóns, Axel Jónsson veitingarmaður, árið 1999 og í dag gæða yfir 10.000 nemendur sér á hollum og ferskum mat fyrirtækisins daglega.

Reynslubankinn - Jón Axelsson hjá Skólamat


„Við teljum okkur hafa náð gríðarlega miklum árangri í því að nýta hráefnin betur og taka á matarsóun en á sama tíma að auka arðsemi rekstrarins,“ segir Jón Axelsson hjá Skólamat.