Ný skýrsla um samfélagslega ábyrgð

Íslandsbanki hefur á síðustu árum skilað framvinduskýrslu um samfélagsábyrgð til UN Global Compact. Samfélagsskýrsla bankans fyrir árið 2014 er sú fyrsta þar sem stuðst er við GRI G4 og er hún í samræmi við kjarnaskilyrði GRI G4.

Bankinn hefur á síðustu árum tekið mörg skref til að auka vitund starfsmanna um samfélagsábyrgð í daglegum störfum sínum. Á síðasta ári tók hann síðan stórt skref þegar stjórn bankans gerði samfélagsábyrgð að einni af þremur megin stefnuáherslum hans.

Með útgáfu samfélagsskýrslunnar leitast Íslandsbanki við að greina, meta og mæla þau áhrif sem starfsemi hans hefur á umhverfið og samfélagið.

Næstu skref

Lesa skýrsluna

 

 

 

 

 

 

Hvað segir framkvæmdastjórn?

Björgvin Ingi Ólafsson er framkvæmdastjóri Viðskipta og þróunar. Verkefnastýring á samfélagsábyrgð fellur undir það svið.

Í þessu myndbandi fer Björgvin yfir það helsta úr skýrslunni.

Hvað segir starfsfólkið?

Fimm stoðir samfélagsábyrgðar:

  • Viðskipti: Íslandsbanki leggur áherslu á góða stjórnarhætti og hagkvæmni. Bankinn leitast við að þjóna viðskiptavinum sínum með því að hafa skýrt regluverk, veita gagnlegar upplýsingar og gæta jafnræðis meðal viðskiptavina
  • Fræðsla: Markmið Íslandsbanka er að auka þekkingu, færni og áhuga á fjármálum með því að bjóða upp á aðgengilega og áhugaverða fræðslu um fjármál og efnahagsmál. Fræðslunni er ætlað að vekja áhuga og aðstoða fólk við að taka upplýstar ákvarðanir um eigin fjármál.
  • Umhverfi: Íslandsbanki leggur áherslu á að vinna í takt við umhverfið og að lágmarka þau neikvæðu áhrif sem starfsemi bankans kann að hafa á umhverfið.
  • Vinnustaður: Ýtt er undir helgun starfsmanna með virkri þátttöku í samfélagsverkefnum, vellíðan á vinnustað og markvissri fræðslu. Markmið Íslandsbanka er að ráða, efla og halda í hæfileikaríkt og ábyrgt starfsfólk
  • Samfélag: Íslandsbanki leggur sitt af mörkum til að efla nærumhverfi sitt með því að styðja við félags-, menningar- og íþróttastarf auk þess að styrkja nýsköpunar- og frumkvöðlaverkefni. Stuðningur er bæði í formi þátttöku starfsmanna og beins fjárstuðnings við valin verkefni.

Langar þig að vita meira? Náðu þér í eintak af skýrslunni hér neðar eða fáðu hana senda í pósti með því að smella á "Panta skýrslu".

Fannst þér efnið á síðunni hjálplegt?
Afhverju ekki?
Hætta við

Ábending þín er notuð til að bæta gæði þjónustu og upplýsinga á vef Íslandsbanka. Vantar þig aðstoð sem krefst þess að við svörum þér má hafa samband við Þjónustuver Íslandsbanka.

Netspjall