Íslandsbanki eflir kreditkortastarfsemi sína

11.10.2011

Fyrr á árinu festi Íslandsbanki kaup á öllum hlutum í Kreditkorti hf. en fyrir átti bankinn 55% hlut. Markmiðið með kaupunum var að styrkja  enn frekar stöðu sína í kortaútgáfu, auka við þekkingu og þjónustuframboð á þessu sviði og til að ná fram hagræðingu. Kreditkort er með áratuga reynslu í kortaútgáfu og gefur í dag út American Express og MasterCard kort.

Síðan þá hafa Kreditkort og Íslandsbanki unnið að stefnumótun og mögulegri samlegð fyrirtækjanna. Niðurstaða þeirrar vinnu er sú að stofnuð verði sérstök kortaeining innan viðskiptabankasviðs Íslandsbanka sem ber ábyrgð á og stýrir allri kortastarfsemi bankans. Kreditkort í Ármúla verður rekið þar undir sem sérhæft kortaútibú. Útibú Íslandsbanka verða eftir sem áður ábyrg fyrir rekstri kortasafns síns og þjónustu við þá korthafa sem þegar eru þar í viðskiptum. Á sama hátt annast Kreditkortaútibúið í Ármúla rekstur og þjónustu við þá korthafa sem þar hafa verið í viðskiptum.

Martha Eiríksdóttir, núverandi framkvæmdastjóri Kreditkorts, mun stýra hinni nýju einingu. Hagrætt verður í rekstrinum með því að sameina ýmsa stoð- og bakvinnslustarfsemi. Unnið er að því að nýtt fyrirkomulag taki gildi um næstkomandi áramót.

Breytingarnar munu á engan hátt hafa áhrif á kortanotkun viðskiptavina Kreditkorts  og Íslandsbanka.

Nýjustu fréttir

Fyrsta skóflustungan á Kirkjusandi

23.05.2018
Í dag var tekin fyrsta skóflustungan að nýju viðskipta- og íbúðahverfi á Kirkjusandi Nánar

Útibú á Selfossi opnar eftir endurbætur

14.05.2018
Hönnun og virkni í nýju útibúi taka mið af breyttum áherslum. Nánar

Íslandsbanki hf.: Fyrsta árshlutauppgjör Íslandsbanka 2018

08.05.2018 - Kauphöll
Hagnaður eftir skatta var 2,1 ma. kr. (1F17: 3,0 ma.kr.) og var arðsemi eigin fjár 4,8% á fjórðungnum (1F17: 7,0%). Hagnaður af reglulegri starfsemi...Nánar

Breytingar á verðskrá Íslandsbanka

04.05.2018
Breytingar á verðskrá Íslandsbanka taka gildi 4.maí. Stjörnumerktir liðir merkja breytingar frá síðustu verðskráNánar

Almennt útboð Heimavalla hf.

04.05.2018
Almennt útboð á allt að 900.000.000 nýrra hluta í Heimavöllum hf. fer fram frá kl. 10.00 þann 7. maí til kl. 16.00 þann 8. maí 2018. Nánar

Íslandsbanki opnar bankann

30.04.2018
Íslandsbanki opnar í dag bankann fyrir samstarfi um þróun á framtíðar fjártæknilausnum. Þetta eru tímamót fyrir íslenska fjármálaþjónustu þar sem...Nánar

Islandsbanki hf.: Íslandsbanki gefur út skuldabréf til 4 ára að fjárhæð 1.000 milljónir sænskra króna

19.04.2018 - Kauphöll
Íslandsbanki hefur í dag gefið út skuldabréf að fjárhæð 1.000 milljónir sænskra króna (um 11,9 milljarðar íslenskra króna) til 4 ára með...Nánar
Netspjall