Skipulags- og áherslubreytingar hjá Íslandssjóðum

07.06.2012

Íslandssjóðir hf. og VÍB, eignastýringarþjónusta Íslandsbanka, hafa gengið frá samkomulagi um að Íslandssjóðir taki yfir eignastýringu verðbréfasafna fyrir einkabankaþjónustu VÍB. Breytingarnar eru liður í almennum skipulagsbreytingum á starfsemi félagsins í ljósi aukinna umsvifa þess.

Sú starfseining sem sinnt hefur þessari þjónustu innan VÍB flyst yfir og sameinast safnastýringu Íslandssjóða. Samhliða verða gerðar breytingar á starfsemi Íslandssjóða sem felast í að efla og skerpa stefnu lykileininga félagsins, sjóðastýringar og safnastýringar. Á sama hátt verður hlutverk framkvæmdastjóra skýrt og eflt við að sinna innra eftirliti, gæðamálum, samskiptum við eftirlitsaðila og stjórn og stefnumótandi verkefnum.

Í tengslum við breytingarnar hefur Haraldur Örn Ólafsson verið ráðinn framkvæmdastjóri Íslandssjóða hf. Haraldur Örn er hæstaréttarlögmaður og hefur sérhæft sig í löggjöf fjármagnsmarkaðarins. Hann hefur víðtæka reynslu af störfum á fjármálamarkaði og hefur síðustu ár starfað á lögfræðisviði Íslandsbanka þar sem hann hefur unnið náið með yfirstjórn Íslandssjóða sem lögfræðilegur ráðgjafi. Áður starfaði hann sem sérfræðingur hjá Viðskiptaráðuneytinu á sviði fjármagnsmarkaðar þar sem hann m.a. var formaður vinnuhóps sem vann að frumvarpi til núgildandi verðbréfaviðskiptalaga og kauphallarlaga. Þá hefur hann meðfram störfum sínum hjá Íslandsbanka setið í nefndum og starfshópum um breytingar á fjármálalöggjöfinni svo sem lögum um verðbréfasjóði, fjárfestingarsjóði og fagfjárfestasjóði.

Haraldur Örn mun taka við starfi framkvæmdastjóra félagsins í september næstkomandi. Núverandi framkvæmdastjóri, Agla E. Hendriksdóttir mun gegna starfi framkvæmdastjóra fram að þeim tíma en mun svo leiða sjóðastýringarstarfsemi félagsins. Hún mun jafnframt verða staðgengill framkvæmdastjóra.

Eldri fréttir

Ný-Fiskur í söluferli

23.09.2016
Stjórn Icelandic Group hefur ákveðið að hefja söluferli á dótturfélagi félagsins, Ný-Fiskur, í Sandgerði. Fyrirhuguð sala er liður í stefnu...Nánar

Skjáspegill – ný þjónusta hjá Íslandsbanka

20.09.2016
Íslandsbanki, í samstarfi við sprotafyrirtækið CrankWheel, hefur innleitt nýja þjónustu í þjónustuveri bankans sem nefnist Skjáspegill Íslandsbanka. Nánar

Íslandsbanki ræður ráðgjafa vegna eignarhlutar í Borgun

19.09.2016
Íslandsbanki hefur ráðið alþjóðlega ráðgjafafyrirtækið Corestar Partners ásamt fyrirtækjaráðgjöf bankans til ráðgjafar í tengslum við mótun...Nánar

Ertu framúrskarandi framkvæmdastjóri?

19.09.2016 - Fréttir Íslandssjóðir
Íslandssjóðir óska eftir umsóknum í starf framkvæmdastjóra. Íslandssjóðir hf. er leiðandi félag á sviði sjóðastýringar og annast rekstur og stýringu...Nánar

Framkvæmdastjóri Íslandssjóða hf. óskar eftir að láta af störfum

16.09.2016
Haraldur Örn Ólafsson framkvæmdastjóri Íslandssjóða hefur sagt starfi sínu lausu hjá félaginu eftir fjögurra ára árangursríkt starf. Haraldur Örn er...Nánar

Netgreiðslumat endurgjaldlaust út árið 2016

12.09.2016
Nú gefst viðskiptavinum kostur á að sækja um fullgilt greiðslumat í gegnum netið og fá niðurstöðu án þess að mæta í útibú.Nánar

Íslandsbanki hættir með auðkennislykil næstu áramót

07.09.2016
Íslandsbanki hefur ákveðið að útleiða auðkennislykil sem auðkenningarleið í Net - og Fyrirtækjabanka frá og með næstu áramótum.Nánar
Netspjall