Vel heppnaður fundur Eignastýringar Íslandsbanka

05.11.2009

Í morgun fór fram morgunfundur Eignastýringar Íslandsbanka fyrir viðskiptavini sína í Sunnusal Hótel sögu.  Fundurinn bar yfirskriftina "Miklvægi fjárfesta í endurreisn hagkerfisins".  Ræðumenn voru þau Allen Michel, prófessor í fjármálum og hagfræði við Boston University School of Management, Gylfi Magnússon, viðskiptaráðherra, Ársæll Valfells, lektor við Háskóla Íslands og Birna Einarsdóttir, bankastjóri.

Birna Einarsdóttir - skapa verður fjárfestum traust og gott umhverfi

Birna Einarsdóttir sagði að Íslandsbanki hefði stigið mörg stór skref í endurreisn bankans og fundurinn væri liður í þeirri endurreisn. Nauðsynlegt væri að auka traust á milli fjárfesta og fjármálafyrirtækja. Stjórnvöld þyrftu einnig að skapa fjárfestum traust og gott umhverfi þannig að fjárfestingakostum myndi fjölga frá því sem nú er, þar sem nánast einu kostirnir eru ríkisskuldabréf og innlán. 

Ársæll Valfells - upplýsingar um skattkerfisbreytingar liggi fyrir sem fyrst

Ársæll Valfells ræddi um nauðsyn þess að upplýsingar um þær komandi skattkerfisbreytingar liggi fyrir sem allra fyrst, þannig að fjárfestar hafi nauðsynlegar upplýsingar til ákvarðanatöku. Þar verði þó að stíga varlega til jarðar. Einnig benti hann á mikilvægi vaxtalækkana þannig að hátt vaxtastig hætti að ryðja úr vegi öðrum fjárfestingamöguleikum, svo sem eins og hlutabréfum.

Alan Michel - Ísland getur verið fljótt að ná sér á strik á ný

Alan Michel fjallaði um undanfara hruns á fjármálamörkuðum, bæði á Íslandi og í Bandaríkjunum. Hann sagði reynslu sína vera þá að fjármálakreppur gangi yfirleitt hratt yfir og að í kjölfarið komi jafnan fram góð fjárfestingatækifæri. Hann sagði ennfremur að sú staðreynd að Íslendingar væru vel menntaðir, samfélagið þróað, innviðir traustir og landið byggi yfir verðmætum náttúruauðlindum yrði til þess að efnahagskerfið myndi aftur ná jafnvægi. Því ættu fjárfestar að fjárfesta núna til þess að uppskera ríkulega þegar fram í sækir.

Gylfi Magnússon - jákvæð teikn á lofti og góð tækifæri í fjárfestingum

Gylfi Magnússon ræddi um mikilvægi þess að styrkja regluverk fyrir fjármálamarkaði á Íslandi þannig að leikreglur væru skýrar, til hagsbóta fyrir fjárfesta jafnt sem aðra aðila markaðarins.  Hann sagði einnig að jákvæð teikn væru á lofti fyrir íslenskt efnahagslíf og vísbendingar um að við værum að rétta hraðar úr kútnum en ráð var fyrir gert. Einnig sagði Gylfi að erlendir aðila litu í mörgum tilvikum jákvæðum augum á Ísland, eitthvað sem Íslendingar gerðu sjálfir ekki í nógu miklum mæli.  Því væri fjárfestingartækifæri sjaldan betri en nú, sérstaklega fyrir þá sem eiga erlendar eignir, að skipta þeim yfir í krónur á bestu hugsanlegu kjörum og fjárfesta í íslenskum fyrirtækjum, t.d. sprotafyrirtækjum.

Nýjustu fréttir

Sala á Keahótelum

21.08.2017
Gengið hefur verið frá sölu á Keahótelum ehf. Seljendur eru Horn II slhf., Tröllahvönn ehf. og Selen ehf. Kaupandi er fjárfestingafélagið K...Nánar

Íslandsbanki eykur stuðning sinn við Reykjavíkurmaraþon

20.08.2017
Íslandsbanki eykur stuðning sinn við Reykjavíkurmaraþon og leggur áheitasöfnuninni enn frekari lið. Nánar

Islandsbanki hf. : Afkoma fyrri árshelmings 2017

17.08.2017 - Kauphöll
Afkoma Íslandsbanka á fyrri árshelmingi 2017Nánar

Eldey og Íslenskir Fjallaleiðsögumenn undirrita kaupsamning um kaup á meirihluta í Arcanum ferðaþjónustu

16.08.2017
Eldey TLH hf. og Íslenskir Fjallaleiðsögumenn ehf. hafa undirritað kaupsamning um kaup á meirihluta hlutafjár í Arcanum ferðaþjónustu ehf. sem stofnað...Nánar

Forskráningu að ljúka í Reykjavíkurmaraþoni Íslandsbanka

15.08.2017
Forskráningu í Reykjavíkurmaraþon Íslandsbanka á rmi.is lýkur kl. 13:00 fimmtudaginn, 17. ágúst.Nánar

Emmsjé Gauti hitar upp fyrir Skemmtiskokkið

09.08.2017
Skemmtiskokkið hentar vel fyrir alla aldurshópa og öll fjölskyldan getur hlaupið eða gengið saman. Nánar

Furðufatnaður í Reykjavíkurmaraþoni

01.08.2017
Miðbær Reykjavíkur verður án efa skrautlegur þegar ungir þátttakendur í Furðufatahlaupi Georgs munu þeysast um í litríkum og óhefðbundnum fatnaði...Nánar
Netspjall