Áfanga náð í söluferli Byrs

13.07.2011

Í kjölfar söluferlis Byrs hf.  hefur stjórn Byrs hf.  ákveðið að ganga til samninga við Íslandsbanka um útgáfu nýs hlutafjár og hafa fyrirtækin undirritað samkomulag þess efnis.  Einnig hefur verið gert samkomulag við slitastjórn Byrs sparisjóðs og Fjármálaráðuneytið sem selja Íslandsbanka allt hlutafé sitt í Byr hf. og er gert ráð fyrir að í kjölfarið verði starfsemi Íslandsbanka og Byrs hf. sameinuð undir merkjum Íslandsbanka. Sameiningin er háð samþykki Samkeppniseftirlits og Fjármálaeftirlits og verður starfsemi fyrirtækjanna óbreytt á meðan samþykkis er beðið.

Á næstu vikum munu starfsmenn Íslandsbanka og Byrs hf. hefja undirbúning að útfærslu á sameiningu fyrirtækjanna.  Í þeirri vinnu verða sjónarmið og hagsmunir viðskiptavina, starfsmanna, eigenda og eftirlitsaðila í fyrirrúmi.

Það er mat stjórnenda Byrs hf. og Íslandsbanka að með sameiningu fyrirtækjanna náist fram mikilvæg hagræðing á íslenskum fjármálamarkaði og að sameinað fyrirtæki verði vel í stakk búið til að veita viðskiptavinum sínum faglega og persónulega þjónustu. Sameinaður banki verður með breiðan og sterkan hóp viðskiptavina, starfsmanna og öflugt net útibúa til að þjóna þeim.  Að auki verður sameinaður banki með afar sterkt eiginfjárhlutfall sem verður vel yfir 16% lágmarkskröfum FME.

„Við erum mjög ánægð með þessa niðurstöðu sem við höfum fengið úr því söluferli sem staðið hefur yfir undanfarnar vikur.

Við erum sannfærð um að til verður öflugt fjármálafyrirtæki sem getur þjónað betur þörfum viðskiptavina með hagkvæmara og dreifðara útibúaneti, víðtækara lausnaframboði og persónulegri þjónustu, en allt þetta leiðir til þess að viðskiptavinir sameinaðs fyrirtækis munu njóta framúrskarandi þjónustu.

Íslandsbanki hefur verið í fararbroddi með lausnir fyrir viðskiptavini og hefur í krafti stærðar sinnar og stöðu getað gengið lengra en við hjá Byr.  Við erum því sannfærð um að viðskiptavinir Byrs muni njóta góðs af þeim skrefum sem nú hafa verið stigin.

Með sameiningunni verður til ein öflugasta sveit starfsmanna í fjármálaþjónustu á Íslandi og skapar það einnig tækifæri fyrir starfsfólk beggja aðila.

Ég trúi því að sameinað fyrirtæki fari öflugt inn í framtíðina, búið að læra af reynslunni, og með gömul og góð gildi að leiðarljósi."

„Þessi niðurstaða er mikilvægur áfangi í uppbyggingu  fjármálakerfisins og ljóst að með sameiningunni verður til eitt öflugasta fyrirtæki landsins í fjármálaþjónustu fyrir einstaklinga og fyrirtæki.

Við hjá Íslandsbanka hlökkum til að starfa með stjórnendum og starfsfólki Byrs að því að skapa sterka og öfluga heild. Í sameiningu munum við áfram leggja áherslu á að sinna viðskiptavinum Byrs og Íslandsbanka með framúrskarandi þjónustu.  Starfsfólk Byrs og Íslandsbanka hefur staðið sig afar vel í varnarbaráttu síðustu ára og hefur byggt upp traust sambönd við viðskiptavini sína. Það er lykilatriði að viðhalda því trausti með  persónulegri  og faglegri þjónustu sem hefur einmitt verið aðalsmerki þessara tveggja banka.  Sameinaður banki verður í enn sterkari stöðu til þess að treysta undirstöður atvinnulífs og þjóna heimilum í landinu."

Nýjustu fréttir

Sala á Keahótelum

21.08.2017
Gengið hefur verið frá sölu á Keahótelum ehf. Seljendur eru Horn II slhf., Tröllahvönn ehf. og Selen ehf. Kaupandi er fjárfestingafélagið K...Nánar

Íslandsbanki eykur stuðning sinn við Reykjavíkurmaraþon

20.08.2017
Íslandsbanki eykur stuðning sinn við Reykjavíkurmaraþon og leggur áheitasöfnuninni enn frekari lið. Nánar

Islandsbanki hf. : Afkoma fyrri árshelmings 2017

17.08.2017 - Kauphöll
Afkoma Íslandsbanka á fyrri árshelmingi 2017Nánar

Eldey og Íslenskir Fjallaleiðsögumenn undirrita kaupsamning um kaup á meirihluta í Arcanum ferðaþjónustu

16.08.2017
Eldey TLH hf. og Íslenskir Fjallaleiðsögumenn ehf. hafa undirritað kaupsamning um kaup á meirihluta hlutafjár í Arcanum ferðaþjónustu ehf. sem stofnað...Nánar

Forskráningu að ljúka í Reykjavíkurmaraþoni Íslandsbanka

15.08.2017
Forskráningu í Reykjavíkurmaraþon Íslandsbanka á rmi.is lýkur kl. 13:00 fimmtudaginn, 17. ágúst.Nánar

Emmsjé Gauti hitar upp fyrir Skemmtiskokkið

09.08.2017
Skemmtiskokkið hentar vel fyrir alla aldurshópa og öll fjölskyldan getur hlaupið eða gengið saman. Nánar

Furðufatnaður í Reykjavíkurmaraþoni

01.08.2017
Miðbær Reykjavíkur verður án efa skrautlegur þegar ungir þátttakendur í Furðufatahlaupi Georgs munu þeysast um í litríkum og óhefðbundnum fatnaði...Nánar
Netspjall