Áframhaldandi lokun Sjóðs 1 og Sjóðs 11

03.07.2009

Ákveðið hefur verið að fresta opnun Sjóðs 1 - Skuldabréf og Sjóðs 11 - Löng Skuldabréf vegna mikillar óvissu um verðmat á eignum þeirra. Stefnt er að því að opna sjóðina eigi síðar en 30. janúar 2010 ef markaðsaðstæður leyfa.

Helsta ástæða áframhaldandi lokunar er óvissa um verðmæti fyrirtækjaskuldabréfaeignar sjóðsins. Framkvæmt hefur verið verðmat á eignum sjóðanna bæði af sérfræðingum Íslandssjóða og Fyrirtækjaráðgjöfum KPMG, en þar sem óvissan er enn mikil um framtíð íslenskra fyrirtækja er verðmatið á mjög breiðu bili.

Reiknað hefur verið gengi á sjóðina m.v. 30. júní 2009 en það hefur verið gert miðað við versta hugsanlega endurheimtuhlutfall eignanna skv. mati sérfræðinga Íslandssjóða.

Nýtt skráð gengi reiknað út frá versta mati m.v. 30. júní 2009:

Einnig hefur verið reiknað gengi á sjóðina skv. bestu hugsanlegu útkomu. Gengi Sjóðs 1 m.v. bestu hugsanlega útkomu er 8112 sem jafngildir 30% lækkun frá skráðu gengi þann 3. október. Gengi Sjóðs 11 m.v. bestu hugsanlega útkomu er 2040 sem jafngildir 18% lækkun frá skráðu gengi þann 3. október. Eins og sést á niðurstöðunum er um mjög breitt bil á gengi sjóðanna að ræða og með áframhaldandi lokun sjóðsins verður reynt eftir fremsta megni að fá sem bestu útkomu fyrir hlutdeildarskírteinishafa.

Ákveðið hefur verið að bjóða þeim sem vilja að fara í slitaferli (flokk B) með eign sína í Sjóði 1 og/eða Sjóði 11. Í þeirri leið er greitt út laust fé og ríkisskuldabréf, en fyrirtækjaskuldabréf verða greidd út eins og af þeim greiðist. Aðrir verða áfram í A flokki sjóðanna, þar sem laust fé og ríkisskuldabréf eru ávöxtuð inn í sjóðnum ásamt fyrirtækjaskuldabréfunum þar til sjóðurinn opnar aftur fyrir viðskipti. Frestur til að skila inn skriflegri beiðni um flutning yfir í flokk B er til 14. ágúst 2009 og í kjölfarið er stefnt að því að greiða út laust fé 1. september 2009.

Útgreiðsla til þeirra sem þegar eru í slitaleið

Þeir sem kusu að fara slitaleið strax í janúar 2009 munu fá sína aðra útgreiðslu í byrjun júlí. Sjóðfélagar í Sjóði 1B eiga von á að fá um 6,78% af eign sinni í sjóðnum m.v. gengi 30. júní 2009 greidda út og sjóðfélagar í Sjóði 11B eiga von á að fá um 14,84% af eign sinni í sjóðnum m.v. gengi 30. júní 2009 greidda út að þessu sinni.

Við hvetjum sjóðfélaga til að hafa samband við ráðgjafa Eignastýringar Íslandsbanka í síma 440 4920 til að fá nánari upplýsingar.

Nýjustu fréttir

Ferðaþjónustuskýrslan kynnt á Akureyri

29.03.2017
Ferðaþjónustuskýrsla Íslandsbanka var í síðustu viku kynnt á Akureyri.Nánar

Uppbygging 300 íbúða í nýju hverfi á Kirkjusandi

29.03.2017
Dagur B. Eggertsson borgarstjóri og Birna Einarsdóttir bankastjóri Íslandsbanka skrifuðu í dag undir samning um byggingarrétt og uppbyggingu á...Nánar

Íslandsbanki afhendir Seðlabankanum og Þjóðminjasafninu mynt- og seðlasafn

27.03.2017
Mynt- og seðlasafnið verður til sýnis í Smáralind næstu þrjár vikur. Nánar

Íslandsbanki veitti Horni III ráðgjöf við kaup á helmingshlut í Líflandi

24.03.2017
Framtakssjóðurinn Horn III hefur fest kaup á 50% hlut í Líflandi. Nánar

Aðalfundur Íslandsbanka 2017

23.03.2017 - Kauphöll
Aðalfundur Íslandsbanka var haldinn í dag, fimmtudaginn 23. mars. Nánar

Aðalfundur Íslandsbanka á fimmtudaginn

21.03.2017
Aðalfundur Íslandsbanka verður haldinn fimmtudaginn 23. mars 2017 kl. 15.00 í Hörpu.Nánar

Breytt kortatímabil

21.03.2017
Kortatímabil Íslandsbanka mun breytast frá og með maí næstkomandi.Nánar
Netspjall