Íslandsbanki besti bankinn að mati Euromoney

11.07.2018

Alþjóðlega fjármálatímaritið Euromoney hefur valið Íslandsbanka besta bankann á Íslandi árið 2018. Þetta er í fimmta sinn sem bankinn hlýtur viðurkenninguna. 

Við útnefninguna var m.a. horft til fjárfestinga bankans í grunnstoðum sínum, s.s. innleiðingu á nýju skipulagi, flutningi í nýjar höfuðstöðvar og vinnu við uppfærslu á grunnkerfum sem er stærsta upplýsingatækniverkefni sem bankinn hefur ráðist í. Jafnframt hafi átt sér stað miklar breytingar í stafrænni þróun en nýlega var tilkynnt að bankinn sé sá fyrsti hér á landi til að opna fyrir samstarf við fjártæknifyrirtæki.

Efnahagur bankans sé traustur og rekstur stöðugur, bankinn hafi á árinu verið með tímamótaútgáfur á erlendum skuldabréfum auk þess að vera leiðandi í útgáfu á sértryggðum bréfum á innlendum markaði. Viðskiptavinir hafa á sama tíma verið þeir ánægðustu þegar kemur að bankaþjónustu samkvæmt Ánægjuvoginni og starfsánægja starfsmanna sé há.
Euromoney útnefnir árlega bestu bankana í tæplega 100 löndum og veitir þeim viðurkenninguna Awards for Excellence.

Birna Einarsdóttir, bankastjóri Íslandsbanka:

„Við erum afar stolt af því að fá viðurkenningu Euromoney í fimmta sinn. Rekstur bankans gengur vel og við höfum fjárfest mikið í að styrkja grunnstoðir okkar en engu að síður haldið góðri markaðshlutdeild í krefjandi samkeppnisumhverfi sem er til marks um frábæra vinnu starfsfólksins okkar. Við höfum stigið stór og mikilvæg skref í átt stafrænni bankaþjónustu og sjáum fjölmörg tækifæri framundan. Fyrst og fremst erum við þakklát fyrir gott samband við viðskiptavini okkar og við erum alltaf að leita leiða til að bæta þjónustuna.“ 

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall