Íslandsbanki styrkir alþjóðlegt hjálparstarf Rauða krossins

02.07.2018

Íslandsbanki styrkir alþjóðlegt hjálparstarf Rauða krossins með stuðningi við verkefnið Digital Divide Initiative sem útleggst brúun hins stafræna bils á íslensku. Verkefnið felst í að Rauði krossinn vinnur með landsfélögum Rauða krossins og Rauða hálfmánans í yfir tíu Afríkuríkjum við að bæta þekkingu og búnað í upplýsingatækni og efla getu sína til að nýta hana við hjálparstarf sitt.

Íslandsbanki styrkir verkefnið bæði með því að lána starfsmenn er hafa þekkingu og þjálfun í upplýsingatækni til að sinna verkefnum sendifulltrúa auk þess að styrkja verkefnið með fjármagni. Þetta er hluti af hjálparhandarverkefni bankans sem gengur út á að starfsmenn bankans nota einn eða fleiri daga ári til að aðstoða góðgerðarfélög.

Starfsmenn Íslandsbanka hafa nú þegar farið í nokkrar sendifulltrúaferðir til landsfélaga Malaví, Búrundí, Kenía, Tanzaniu, Líberíu og Zambíu.

Rauði krossinn á Íslandi fagnar þessu samstarfi við Íslandsbanka, brúun hins stafræna bils er eitt af langtíma þróunarverkefnum Rauða krossins sem einnig er stutt af utanríkisráðuneytinu og unnið í samvinnu við Alþjóðasamband Rauða krossinn og Rauða hálfmánann.

Atli Viðar Thorstensen, sviðsstjóri hjálpar- og mannúðarsviðs Rauða krossins á Íslandi:

 „Þetta er mjög mikilvægt verkefni. Í mörgum ríkjum ríkjum Afríku búa Rauða kross félög við svo bágan kost að það er ekki nein internet tenging út í deildum þar sem sjálfboðaliðar sinna lífsbjargandi hjálparstarfi eða hún mjög óstöðug. Verkefninu er meðal annars ætlað að bæta úr þessu og tryggja betur að nauðsynlegar upplýsingar sé hægt að senda sem varðar hjálparstarf Rauða krossins svo hægt sé að tryggja betur að nauðsynlegt hjálpargögn séu til staðar og að mannúðaraðstoð sé í samræmi við þarfir skjólstæðinga á vettvangi og að hún berist eins skjótt og kostur er á.“

Edda Hermannsdóttir samskiptastjóri Íslandsbanka:

„Við erum stolt af því að taka þátt í þessu mikilvæga verkefni hjá Rauða krossinum. Það er mikill áhugi á verkefninu innan bankans og ánægjulegt að geta nýtt þekkingu starfsfólks með þessum hætti. Hluti af samfélagsstefnu bankans er að láta gott af sér leiða og er hjálparhandarverkefnið hluti af þeirri stefnu. Á hverju ári hjálpa hundruð starfsmanna góðgerðarfélögum með einum eða öðrum hætti sem hefur verið dýrmætt fyrir félögin og ekki síður fyrir starfsfólk.“ 

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall