Fleiri konur stýra peningum

22.02.2018

Íslandssjóðir, eignastýringarfyrirtæki og dótturfélag Íslandsbanka, hefur undanfarin ár unnið markvisst að því að auka hlutfall kvenna sem fara fyrir fjármunum í eignastýringu. Árið 2016 settu Íslandssjóðir sér markmið um að fjölga konum sem stýra fjármunum, bera ábyrgð á fjárfestingum og áhættu sem tengist þeim og taka ákvarðanir um ráðstöfun peninga í daglegum störfum sínum sem sjóðsstjórar, safnastjórar og stjórnendur fjárfestingarfélaga. Í dag eru þær konur sem starfa við fjárfestingar níu talsins af þeim 20 sem starfa hjá félaginu en árið 2016 voru konurnar aðeins tvær. Þetta er meðal þess sem kemur fram í nýrri samfélagsskýrslu Íslandsbanka.

Kjartan Smári Höskuldsson, framkvæmdastjóri Íslandssjóða:

„Ég er algjörlega sannfærður um að jafnvægi í kynjahlutfalli er nauðsynlegur liður í að hámarka árangur og ánægju á vinnustaðnum. Kvennavinnustaðir og karlavinnustaðir eru einfaldlega of einsleitir. Að hafa jöfn hlutföll öflugra karla og kvenna kallar fram betri hliðar hjá flestum, sem hefur skýr áhrif á starfsánægju, árangur sem fólk nær í starfi og hollustu gagnvart vinnustaðnum. Við settum okkur því markmið um að vinna markvisst að því að bæta þetta hlutfall. Starfsánægja hjá Íslandssjóðum er mæld reglulega og það er gaman að sjá hana mælast í sögulegu hágildi nú þegar kynjahlutföll í félaginu eru um 50/50 í fyrsta skipti í áraraðir.“

Íslandsbanki leggur mikla áherslu á jafnrétti kynjanna og nýtir til jafns styrkleika kvenna og karla. Í auglýsingum eru störf ókyngreind og ef karl og kona eru í lokaúrtaki um starf og þau eru jafn hæf er leitast við að ráða það kyn sem hallar á. Stefnt er að því að hafa sem jafnast hlutfall kynja á sviðum, deildum, nefndum, ráðum og stjórnum sem og í stjórnendastöðum.

Starfsmenn Íslandsbanka eru um 900 talsins og eru 65% konur og 35% karlar. Kynjahlutfall í framkvæmdastjórn er 57% konur og 43% karlar að bankastjóra meðtöldum. Stjórnendur eru 50% konur og 50% karlar og í stjórn bankans eru 57% konur og 43% karlar. Jafnrétti er eitt af verkefnum samfélagsábyrgðar bankans, Heildunar, og hefur mikill árangur náðst í að auka kynjafnvægi í störfum bankans. Bankinn hefur hlotið Hvatningarverðlaun jafnréttismála og er með Gullmerki jafnlaunaúttektar PwC.

Íslandsbanki hefur lagt mikla áherslu á að kynna jafnréttisstefnu bankans fyrir nýjum starfsmönnum og stjórnendum til að tryggja þekkingu á áherslum fyrirtækisins strax í upphafi. Bankinn vill jafnframt vera öðrum fyrirtækjum fyrirmynd í jafnréttismálum og hefur hann tekið þátt í ráðstefnum og fundum um málaflokkinn. Þá hefur Íslandsbanki skrifað undir Jafnréttissáttmála UN Women og UN Global Compact. Íslandsbanki leitast einnig við að hafa jákvæð áhrif á jafnréttisumræðu í samfélaginu og hefur, í samvinnu við Ungar athafnakonur, haldið vel sótta fundi um jafnréttismál þar sem stjórnendur innan bankans og utan miðluðu reynslu sinni og áskorunum. Íslandsbanki og Samtök atvinnulífsins stóðu einnig á árinu fyrir fundi sem bar heitið „Erum við forystuþjóð“, þar sem fjallað var um jafnréttismál í atvinnulífinu. Jafnframt má taka fram að Íslandsbanki er aðalstyrktaraðili FKA, Félags kvenna í atvinnulífinu.  

Nýjustu fréttir

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar

Islandsbanki hf.: Fitch staðfestir lánshæfismat Íslandsbanka í BBB með stöðugum horfum

26.11.2018 - Kauphöll
Alþjóðlega lánshæfismatsfyrirtækið Fitch Ratings hefur í dag staðfest lánshæfismat Íslandsbanka í BBB/F3 með stöðugum horfum.Nánar

Borgaðu með símanum í næsta posa

13.11.2018
Viðskiptavinir Íslandsbanka geta frá og með deginum í dag greitt með símanum sínum í snertilausum posum um allan heim.Nánar

Islandsbanki hf.: Afkoma fyrir fyrstu níu mánuði ársins 2018

07.11.2018 - Kauphöll
Hagnaður Íslandsbanka á fyrstu níu mánuðum ársins var í takt við væntingar og nam 9,2 milljörðum íslenskra króna sem samsvarar 7,1% arðsemi eigin fjár...Nánar

Íslandsbanki fjárfestir í Meniga fyrir 410 milljónir króna

06.11.2018
Íslandsbanki hefur fjárfest fyrir 3 milljónir evra í hugbúnaðarfyrirtækinu Meniga – tæpum áratug eftir að hafa gerst fyrsti viðskiptavinurinn. Nánar
Netspjall