Íslandsbanki hf.: Íslandsbanki gefur út víkjandi skuldabréf að fjárhæð 750 milljón sænskra króna til 10 ára

16.11.2017 - Kauphöll

Íslandsbanki hefur í dag gefið út skuldabréf að fjárhæð 750 milljónir sænskra króna (9,3 milljarðar íslenskra króna) til 10 ára með innköllunarheimild af hálfu útgefanda eftir 5 ár (10NC5). Skuldabréfið, sem er víkjandi og telur til eiginfjárþáttar 2 (e. Tier 2), ber fljótandi vexti 200 punkta ofan á þriggja mánaða millibankavexti í sænskum krónum. Útgáfan fær lánshæfismatseinkunnina BBB- frá S&P Global Ratings sem er einkunn í fjárfestingaflokki.

Mikil eftirspurn var eftir útgáfunni sem var seld til fjölbreytts hóps fagfjárfesta frá Norðurlöndunum og meginlandi Evrópu. Stefnt er að skráningu skuldabréfanna í Kauphöllina á Írlandi þann 23. nóvember 2017.
Útgáfan er fyrsta víkjandi skuldabréfaútgáfa sem íslensk fjármálastofnun selur á erlendum markaði frá árinu 2008. Með útgáfunni er stigið stórt skref í átt að hagstæðari fjármagnsskipan á skuldahlið bankans.
Þróun á vaxtaálagi á útistandandi skuldabréfum Íslandsbanka í erlendri mynt hefur verið hagstæð upp á síðkastið og er það merki um aukna trú fjárfesta á rekstri bankans og íslensku efnahagsumhverfi. Nýlega hækkaði S&P lánshæfismat Íslandsbanka í BBB+ en Íslandsbanki er eini bankinn á Íslandi með lánshæfi frá tveimur alþjóðlegum lánshæfismatsfyrirtækjum.

Útgáfan verður gefin út undir 2,0 milljarða dollara Global Medium Term Notes (GMTN) útgáfuramma bankans. Grunnlýsingu GMTN rammans ásamt viðaukum má finna á vefsíðu fjárfestatengsla: islandsbanki.is/fjarfestatengsl

Umsjónaraðilar útboðsins voru Danske Bank, DNB Markets og Pareto Securities.

Jón Guðni Ómarsson, fjármálastjóri Íslandsbanka:

"Við hjá Íslandsbanka erum afar ánægð með útgáfuna og þann mikla áhuga sem við fundum hjá fjárfestum. Margir þessara fjárfesta hafa notið góðs af því að hafa keypt hefðbundin skuldabréf af bankanum á liðnum árum og þátttaka þeirra í útgáfunni sýnir áframhaldandi trú á honum sem útgefanda og á íslenska hagkerfinu."

Nýjustu fréttir

Borgaðu með símanum í næsta posa

13.11.2018
Viðskiptavinir Íslandsbanka geta frá og með deginum í dag greitt með símanum sínum í snertilausum posum um allan heim.Nánar

Islandsbanki hf.: Afkoma fyrir fyrstu níu mánuði ársins 2018

07.11.2018 - Kauphöll
Hagnaður Íslandsbanka á fyrstu níu mánuðum ársins var í takt við væntingar og nam 9,2 milljörðum íslenskra króna sem samsvarar 7,1% arðsemi eigin fjár...Nánar

Íslandsbanki fjárfestir í Meniga fyrir 410 milljónir króna

06.11.2018
Íslandsbanki hefur fjárfest fyrir 3 milljónir evra í hugbúnaðarfyrirtækinu Meniga – tæpum áratug eftir að hafa gerst fyrsti viðskiptavinurinn. Nánar

Grænn skuldabréfasjóður Íslandssjóða

02.11.2018
Íslandssjóðir, elsta eignastýringarfyrirtæki landsins og dótturfélag Íslandsbanka, hefur stofnað sjóðinn IS Græn skuldabréf sem fjárfestir í...Nánar

Forstjórar á Norðurlöndunum funda um heimsmarkmið

01.11.2018
Í dag kynnti hópur forsvarsmanna fyrirtækja á Norðurlöndum sameiginlega áætlun sína um að hraða framkvæmd markmiða Sameinuðu þjóðanna um sjálfbæra...Nánar

Íslandsbanki í samstarf við stærsta fjártæknisetur heims

01.11.2018
Íslandsbanki kynnti á vormánuðum að bankinn stefni á að opna fyrir samstarf um þróun á framtíðar fjártæknilausnum þar sem þriðja aðila er veitt...Nánar

Hver er staða íbúðamarkaðarins?

01.11.2018
Í nýjasta þætti Norðurturnsins ræddu þau Kjartan Már Kjartansson, bæjarstjóri í Reykjanesbæ, Una Jónsdóttir, deildarstjóri húsnæðissviðs...Nánar
Netspjall