Árshlutauppgjör Íslandssjóða 2017

28.08.2017

Hagnaður Íslandssjóða eftir skatta fyrstu sex mánuði ársins var 114 m. kr. og jókst um 148% miðað við sama tímabil í fyrra. Starfsmönnum fjölgaði úr 15 í 19 þegar öflugt eignastýringarteymi gekk til liðs við félagið. Eignir í stýringu í sjóðum og sérgreindum eignasöfnum námu alls 203 milljörðum króna í lok tímabilsins, auk fagfjárfestasjóða og fjárfestingarfélaga í stýringu hjá Íslandssjóðum. Ávöxtun verðbréfa- og fjárfestingarsjóða Íslandssjóða var góð og nam ávöxtun þeirra samtals 4.250 milljónum króna á tímabilinu.
Íslandssjóðir hf. er elsta sjóðastýringarfyrirtæki landsins, stofnað árið 1994 og er dótturfélag Íslandsbanka.

Afkoma Íslandssjóða hf. fyrstu sex mánuði ársins 2017

  • Hagnaður félagsins eftir skatta fyrstu 6 mánuði ársins 2017 var 114 m.kr. samanborið við 46 m.kr. fyrir sama tímabil 2016 og hækkaði um tæp 148%.
  • Hreinar rekstrartekjur námu 694 m.kr. samanborið við 567 m.kr. á sama tíma árið 2016 og hækkuðu um tæp 23%.
  • Rekstrargjöld námu 551 m.kr. samanborið við 509 m.kr. fyrir sama tímabil árið áður og hækkuðu um 8,3%.
  • Heildareignir félagsins 30. júní 2017 námu 2.472 m.kr. en voru 2.453 m.kr. í árslok 2016.
  • Eigið fé 30. júní 2017 nam 2.111 m.kr. en var 2.094 m.kr. í ársbyrjun. Eiginfjárhlutfall, reiknað samkvæmt lögum um fjármálafyrirtæki, var 64,4% í lok júní, en þetta hlutfall má lægst vera 8,0%.
  • Í lok júní 2017 voru 26 verðbréfa- og fjárfestingasjóðir í rekstri hjá félaginu og nam hrein eign þeirra 121 milljarði króna samanborið við 116 milljarða í árslok 2016. Ávöxtun verðbréfa- og fjárfestingarsjóða nam 4.250 milljónum króna á tímabilinu samanborið við 470 milljónir á sama tíma 2016.

Kjartan Smári Höskuldsson, framkvæmdastjóri Íslandssjóða:

„Rekstur Íslandssjóða gengur vel og góður árangur náðist víðast hvar í starfseminni. Þá ber sérstaklega að fagna góðri ávöxtun verðbréfa- og fjárfestingarsjóða félagsins sem margir hverjir hafa skilað framúrskarandi ávöxtun það sem af er ári. Um tíu þúsund íslenskir sparifjáreigendur velja sjóði Íslandssjóða til að ávaxta sinn sparnað og því skiptir góður árangur í stýringu sjóðanna miklu máli og er til vitnis um faglega og öfluga eignastýringu. Félagið er auk þess að vaxa sem skilar sér í aukinni sérþekkingu starfsmanna og nýjum og spennandi fjárfestingarkostum, bæði fyrir almenna sparifjáreigendur og fagfjárfesta“.

Árshlutareikningur félagsins er aðgengilegur á heimasíðu félagsins: www.islandssjodir.is

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall