Nýr útibússtjóri Íslandsbanka á Húsavík

18.05.2017

Margrét Hólm Valsdóttir hefur verið ráðin útibússtjóri útibús Íslandsbanka á Húsavík og mun taka við af Höskuldi Skúla Hallgrímssyni.
 
Margrét Hólm er með B.Sc. í viðskiptafræði  frá Háskólanum  á Akureyri, iðnrekstrarfræðingur af markaðssviði frá sama skóla og með Diploma í ferðamálafræði frá Háskólanum á Hólum.
 
Hún hefur gegnt stöðu skrifstofustjóra hjá Norðurþingi frá 2015, var Sparisjóðsstjóri  Sparisjóðs Suður –Þingeyinga á árunum 1999-2005, skrifstofustjóri Reynihlíðar hf. í  Mývatnssveit  og síðar sölu- og markaðsstjóri og áður en hún réði sig til Norðurþings, var hún hótelsstjóri Hótel Laxár í Mývatnssveit.  

Margrét Hólm hefur verið virk í félagsstörfum í heimabyggð sinni, setið í skólanefndum og sveitarstjórnum,var m.a. formaður skipulags- og umhverfisnefndar Skútustaðarhrepps frá 2010-2014, formaður stjórnar Hvalasafns Húsavíkur og er í stjórn Þekkingarnets Þingeyinga og Náttúrustofu Norðausturlands.  Þá sat hún  í varastjórn Sparisjóðabanka Íslands frá 2002-2006 og var í stjórn Rekstrarfélags sparisjóðanna 2004-2005.  Margrét Hólm var kosin í stjórn Sparisjóðs- Suður Þingeyinga í apríl 2008 og gegndi þar stöðu varaformanns stjórnar til vors 2014, fór aftur inn í stjórn 2016 og tók sæti í endurskoðunar- og áhættunefnd sjóðsins. 

Höskuldur Skúli mun láta af störfum í lok maí eftir 10 farsæl ár hjá Íslandsbanka á Húsavík og síðustu 5 árin sem útibússtjóri. Við þökkum Skúla fyrir frábær störf undanfarin ár fyrir bankann og óskum honum og fjölskyldu hans velfarnaðar í Svíaríki. Um leið bjóðum við Margréti velkomna í Íslandsbankasveitina og hefur hún störf um miðjan ágúst n.k. 

 

Nýjustu fréttir

Ný skýrsla um íbúðamarkaðinn á Norðurlandi

17.01.2018
Velta á fasteignamarkaðnum á Akureyri jókst um 14% á árinu 2017 og nam 26 milljörðum króna en jókst um 27% á árinu 2016. Nánar

Breytingar á verðskrá Íslandsbanka

15.01.2018
Breytingar á verðskrá Íslandsbanka taka gildi 15.janúar.Nánar

Íslandsbanki hf: Íslandsbanki gefur út skuldabréf fyrir 300 milljónir evra á 75 punkta álagi yfir millibankavexti í evrum

12.01.2018 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 38 milljarðar íslenskra króna) til 6 ára með innköllunarheimild af...Nánar

6,47% hlutur í Jarðböðunum til sölu

10.01.2018
Fyrirtækjaráðgjöf annast söluferlið fyrir hönd seljenda. Nánar

Ríkisskuldabréfasjóður Íslandssjóða með hæstu ávöxtunina 2017

05.01.2018 - Fréttir Verðbréfaþjónustu
Ríkiskuldabréfasjóður Íslandssjóða, IS Ríkisskuldabréf löng, náði hæstri ávöxtun allra innlendra sjóða á árinu 2017Nánar

Áramótaþáttur Íslandsbanka

29.12.2017
Viðskipti ársins 2017 voru til umræðu í nýjum þætti Íslandsbanka. Nánar

Til eigenda fyrstu fasteignar

28.12.2017
Þeir sem eiga fyrstu fasteign og eru að nýta viðbótarsparnaðinn til niðurgreiðslu á húsnæðisláni og ætla nýta hann til mitt árs 2027 þurfa að sækja um...Nánar
Netspjall