Skýrsla Reykjavík Economics um húsnæðismarkaðinn

08.05.2017

Íbúðaverð hefur hækkað um 19% að raungildi á tímabilinu mars 2016 til mars 2017. Sérbýli
hefur hækkað um 18,2% á sama tímabili og fjölbýli um 19,3%. Þetta kemur fram í nýrri skýrslu
Reykjavík Economics um húsnæðismarkaðinn á höfuðborgarsvæðinu sem unnin var fyrir
Íslandsbanka. 

Hæsta meðalverð á fermetra er í miðborginni eða innan Hringbrautar og meðal
staðgreiðsluverð í hverfinu árið 2016 var 469 þúsund krónur á fermeter. Hlutfallsleg
verðhækkun í hverfum Reykjavíkur var mest í Hólahverfi eða um 19% og Seljahverfi kemur næst
á eftir með um 18% hækkun. Ef verð á höfuðborgarsvæðinu, utan Reykjavíkur, er skoðað er
Seltjarnarnes með hæsta verðið á fermetra eða 437 þúsund krónur. Þá hækkar Seltjarnarnes
einnig hlutfallslega mest á árinu 2016 eða um 24%.

Stór hópur ungs fólks er á leið inn á húsnæðismarkaðinn samkvæmt skýrslunni og einnig fer
fyrstu kaupendum fjölgandi á markaðnum. Meðalaldur þessa hóps er 32 ár. Þá skapar
fólksfjölgun og aðflutningur fólks til landsins náttúrulega eftirspurn eftir húsnæði.
Ef ástandið á leigumarkaði er skoðað kemur í ljós að leiga hefur hækkað um 10,3% á tímabilinu
mars 2016 til mars 2017 og leigusamningum hefur sömuleiðis fækkað á tímabilinu. Leiguverð
hefur hækkað um 68,1% frá byrjun árs 2011 til loka desember 2016. Á meðan verðlag hefur
hækkað um 21,1% á sama tíma.

Þá kemur einnig fram að minnkandi atvinnuleysi og traustari tekjuöflun heimila rennir
styrkari stoðum undir íbúðamarkaðinn og auðveldara er að áætla framtíðartekjur en áður.

Hér má lesa skýrsluna í heild sinni. 


Una Steinsdóttir, framkvæmdastjóri Viðskiptabankasviðs:

,,Við hjá Íslandsbanka höfum lagt mikla áherslu á ítarlegar og faglegar greiningar á húsnæðismarkaðnum, bæði meðal sérfræðinga innan bankans sem og greiningar í samstarfi við ytri aðila eins og Magnús Árna hjá Reykjavik Economics.  Sá hópur sem við höfum fylgst mjög náið með er fjölmennur hópur ungs fólks sem er að stíga sín fyrstu skref á húsnæðismarkaði með sínum fyrstu íbúðarkaupum.  Segja má að Íslandsbanki hafi, fyrir þó nokkrum árum, aðlagað sitt þjónustuframboð með hliðsjón af þessum greiningum á stöðu og þörfum ungs fólks.  Eins og kemur fram í skýrslu Magnúsar eru blikur á lofti með mikilli hækkun íbúðarverðs undanfarin ár og því er afar mikilvægt að hvetja ungt fólk að fara varlega og leita sér ráðgjafar hjá reynslumiklum sérfræðingum sem m.a. er að finna í öllum útibúum Íslandsbanka."  

 

Nýjustu fréttir

Ný skýrsla um íbúðamarkaðinn á Norðurlandi

17.01.2018
Velta á fasteignamarkaðnum á Akureyri jókst um 14% á árinu 2017 og nam 26 milljörðum króna en jókst um 27% á árinu 2016. Nánar

Breytingar á verðskrá Íslandsbanka

15.01.2018
Breytingar á verðskrá Íslandsbanka taka gildi 15.janúar.Nánar

Íslandsbanki hf: Íslandsbanki gefur út skuldabréf fyrir 300 milljónir evra á 75 punkta álagi yfir millibankavexti í evrum

12.01.2018 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 38 milljarðar íslenskra króna) til 6 ára með innköllunarheimild af...Nánar

6,47% hlutur í Jarðböðunum til sölu

10.01.2018
Fyrirtækjaráðgjöf annast söluferlið fyrir hönd seljenda. Nánar

Ríkisskuldabréfasjóður Íslandssjóða með hæstu ávöxtunina 2017

05.01.2018 - Fréttir Verðbréfaþjónustu
Ríkiskuldabréfasjóður Íslandssjóða, IS Ríkisskuldabréf löng, náði hæstri ávöxtun allra innlendra sjóða á árinu 2017Nánar

Áramótaþáttur Íslandsbanka

29.12.2017
Viðskipti ársins 2017 voru til umræðu í nýjum þætti Íslandsbanka. Nánar

Til eigenda fyrstu fasteignar

28.12.2017
Þeir sem eiga fyrstu fasteign og eru að nýta viðbótarsparnaðinn til niðurgreiðslu á húsnæðisláni og ætla nýta hann til mitt árs 2027 þurfa að sækja um...Nánar
Netspjall