Starfsmaður Íslandsbanka til Malaví

05.04.2017

Íslandsbanki gefur í dag út nýja samfélagsskýrslu sem gefur greinargóða mynd af verkefnum ársins 2016.

Íslandsbanki gerðist í fyrra þátttakandi í alþjóðlegu hjálparstarfi Rauða krossins og eru þrír starfsmenn bankans nú þjálfaðir sendifulltrúar Rauða krossins. Halldór Gíslason, verkefnastjóri á Rekstrar- og upplýsingatæknisviði, fór á dögunum til Malaví í tvær vikur þar sem hann aðstoðaði við að brúa tæknibilið sem hefur myndast milli þróaðra landa og þróunarlanda. Var það hluti af verkefninu Digital Divide Initiative þar sem tíu lönd í Afríku á lista Sameinuðu þjóðanna yfir fátækustu lönd heims urðu fyrir valinu.

Hjálparstarfið er hluti af Hjálparhandarverkefni Íslandsbanka þar sem starfsmenn leggja til að minnsta kosti einn dag á ári til að aðstoða góðgerðarfélög. Í fyrra tóku 400 starfsmenn þátt og aðstoðuðu við fjölmörg verkefni.

Halldór mun á næstunni heimsækja fleiri lönd þar sem gerð er úttekt á tækniumhverfi og sett upp aðgerðaráætlun til að bæta umhverfið. Þættir sem voru skoðaðir voru internet tenging, tölvupóstur, heimasíður, net- og fjármálakerfi. Reynsla Halldórs úr kerfismálum nýttist honum vel en hann hefur unnið sem kerfisstjóri og við hugbúnaðargerð.

Íslandsbanki gefur í dag út nýja samfélagsskýrslu til UN Global Compact fyrir árið 2016 en þetta er þriðja sinn sem slík skýrsla er gefin út. Stuðst er við GRI G4 kjarnaskilyrði í skýrslunni. Samfélagsábyrgð er ein af þremur megin stefnuáherslum Íslandsbanka og er mikil áhersla lögð innan bankans að hafa góð áhrif á nærsamfélagið.

Skýrslan gefur lesendum greinargóða mynd af því starfi sem hefur átt sér stað árið 2016. Hér má lesa skýrsluna.

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall