Áheitametum fagnað

10.11.2016

Uppskeruhátíð áheitasöfnunar Reykjavíkurmaraþons 2016 fór fram í útibúi Íslandsbanka á Granda í gær. Í ár söfnuðu hlauparar 97.297.117 krónum til 164 góðgerðafélaga sem er nýtt met og er heildarupphæð áheita sem hafa safnast í tengslum við Reykjavíkurmaraþon Íslandsbanka frá því áheitasöfnun hófst komin í rúmlega 545 milljónir.

Á uppskeruhátíðinni komu saman fulltrúar góðgerðafélaga, hlauparar, starfsmenn og stuðningsaðilar til að fagna góðum árangri áheitasöfnunar Reykjavíkurmaraþons Íslandsbanka og fengu þeir hlauparar og boðhlaupslið sem söfnuðu mest viðurkenningu. Einnig voru veitt verðlaun til góðgerðafélaga sem voru með hvatningarstöð á hlaupaleiðinni, um var að ræða útdráttarverðlaun að upphæð 50 þúsund krónur sem komu í hlut MS félags Íslands og Parkinsonsamtakanna.

Skorri Rafn Rafnsson safnaði mest allra einstaklinga, 3.643.500 krónur fyrir Styrktarfélag krabbameinssjúkra barna. Aldrei áður hefur einstaklingur safnað eins miklu. Hilmir Vilberg Arnarsson safnaði næst mest, 2.833.000 krónur fyrir CMT4A Styrktarsjóð Þórdísar, og þar á eftir var Lárus Guðmundur Jónsson sem safnaði 1.848.075 krónum fyrir Bergmál líknar- og vinafélag. Boðhlaupsliðið sem safnaði mestu var liðið Jötunn en þau söfnuðu 243.480 krónum fyrir Hjartaheill.

Flest áheit fékk Valdimar Guðmundsson, 384 talsins, en hann safnaði 1.072.500 krónum fyrir Krabbameinsfélag Íslands. Aldrei áður hefur einstaklingur fengið eins mörg einstök áheit og Valdimar fékk í ár.

Birna Einarsdóttir, bankastjóri Íslandsbanka, og Ingvar Sverrisson, formaður Íþróttabandalags Reykjavíkur sáu um dagskrána og verðlaunuðu hlauparana. 

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall