Afkoma fyrri árshelmings 2016

22.08.2016 - Kauphöll

Helstu niðurstöður fyrri árshelmings:

  • Hagnaður bankans eftir skatta var 13,0 ma. kr. á fyrri árshelmingi ársins 2016 samanborið við 10,8 ma. kr. á sama tímabili 2015. Afkoman skýrist af sterkum grunntekjum og einskiptishagnaðar vegna sölu Borgunar á hlutabréfum í Visa Europe
  • Arðsemi eigin fjár var 12,9% samanborið við 11,7% á sama tímabili 2015
  • Hagnaður af reglulegri starfsemi nam 8,0 ma. kr., samanborið við 8,2 ma. kr. á 1H15. Arðsemi eigin fjár af reglulegri starfsemi miðað við 14% eiginfjárhlutfall A var 11,9% samanborið við 13,9% á sama tímabili 2015.
  • Hreinar vaxtatekjur voru 15,9 ma. kr. (1H15: 13,6 ma. kr.) sem er aukning um 17,3%. Vaxtamunur var 3,1% (1H15: 2,9%).
  • Hreinar þóknanatekjur voru 6,7 ma. kr. (1H15: 6,4 ma. kr.) eða 4,3% aukning milli ára.; þar af var 1,3% aukning hjá móðurfélaginu
  • Um 1,2 milljarða einskiptiskostnaður var vegna skemmda á núverandi höfuðstöðvum bankans á Kirkjusandi
  • Kostnaðarhlutfall var 56,0% (1H15: 56,0%), að undanskildum sérstökum skatti á fjármálafyrirtæki og einskiptiskostnaði
  • Útlán til viðskiptavina jukust um 5,0% frá áramótum eða í 698,7 ma. kr. á fyrri árshelmingi 2016. Aukningin dreifist vel á mismunandi útlánaeiningar bankans
  • Heildareignir voru 1.030 ma. kr. í lok tímabilsins (mar16: 1.021ma. kr.)
  • Innlán frá viðskiptavinum lækkuðu um 4,6% á fyrri árshelmingi 2016 og voru 566 ma. kr. í lok tímabilsins
  • Bankinn gaf út tvær skuldabréfaútgáfur í erlendri mynt á fyrri helmingi ársins, 35 milljónir dollara í janúar og stækkaði evru skuldabréfaútgáfu um 75 milljón evra í maí
  • Eiginfjárhlutfall er sterkt, var 28,9% í lok júní (mars16: 29,7%) og eiginfjárhlutfall A (CET1) var 27,1% (mars16: 28,1%)
  • Lausafjárstaða bankans er mjög traust og er umfram kröfur eftirlitsaðila og innri viðmið. Í lok júní 2016 var lausafjárþekjuhlutfallið (LCR) 173% (mars16: 154%) og fjármögnunarhlutfallið (NSFR) var 117% (mars16: 118%)
  • Vogunarhlutfall (leverage ratio) var 18,3% við lok tímabilsins samanborið við 18,7% í lok mars 2016 sem telst hóflegt
  • Hlutfall lána með vanskil umfram 90 daga og virðisrýrnun var 2,5% (mars16: 2,1%)
  • Í janúar 2016 breytti S&P horfum lánshæfismats bankans (BBB-/A-3) í jákvæðar og í apríl staðfesti Fitch lánshæfismatið BBB-/F3 með stöðugum horfum. Íslandsbanki er eini íslenski bankinn með lánshæfismat í fjárfestingarflokki frá tveimur alþjóðlegum lánshæfismatsfyrirtækjum.

Annar ársfjórðungur 2F16 

  • Hagnaður bankans eftir skatta var 9,5 ma. kr. á 2F16 (2F15: 5,4 ma. kr.)
  • Arðsemi eigin fjár af reglulegri starfsemi miðað við 14% eiginfjárhlutfall A var 13,9% á fjórðunginum (2F15: 12,8%)
  • Hreinar vaxtatekjur voru 8,4 ma. kr. á öðrum ársfjórðungi (2F15: 7,4 ma. kr.)
  • Hreinar þóknanatekjur voru 3,5 ma. kr. á öðrum ársfjórðungi (2F15: 3,5 ma. kr.)

Birna Einarsdóttir, bankastjóri Íslandsbanka:

„Afkoma Íslandsbanka á fyrri árshelmingi var góð og staða bankans sterk. Hagnaður tímabilsins var um 13 milljarðar og arðsemi eiginfjár 12,9%. Aukning hagnaðar skýrist að miklu leyti af tekjum frá dótturfélagi bankans, Borgun. Útlánavöxtur nemur 5% á fyrstu sex mánuðum ársins og hafa lánveitingar verið til fjölbreyttra atvinnugreina.

Einföldun á útibúaneti bankans heldur áfram og verða útibúin samtals 14 í upphafi árs 2017. Íslandsbanki rekur hagkvæmasta útibúanet landsins og hefur gert um áraraðir.

Samkvæmt nýrri þjónustukönnun hefur ánægja viðskiptavina aldrei mælst hærri og hækka allir þjónustuþættir frá fyrra ári. Bankinn var jafnframt valinn besti bankinn á Íslandi af alþjóðlega fjármálatímaritinu Euromoney fjórða árið í röð. Þetta staðfestir að framtíðarsýn bankans um að veita bestu bankaþjónustu á Íslandi er að skila góðum árangri, bæði í rekstrarafkomu og ánægju viðskiptavina.

Ánægjuleg tíðindi berast nú af losun hafta sem er heillavænlegt fyrir íslenskt efnahagslíf. Íslandsbanki er vel undirbúinn fyrir losun hafta og er lausa- og eiginfjárstaða bankans mjög sterk. Eignastýringarþjónusta bankans, VÍB, hefur í áraraðir verið í samstarfi við nokkra af öflugustu eignastýringaraðilum heims.VÍB mun halda áfram sínu öfluga fræðslustarfi um erlenda markaði og aðstoða sparifjáreigendur við dreifingu á sparifé og draga þannig úr áhættu.“

Afkomufundur á íslensku

Þriðjudaginn 23. ágúst kl. 11.30, munu Birna Einarsdóttir, bankastjóri Íslandsbanka, og Jón Guðni Ómarsson, fjármálastjóri, kynna afkomu bankans á opnum fjárfestafundi og svara fyrirspurnum. Fundurinn fer fram á íslensku og er haldinn í höfuðstöðvum bankans að Kirkjusandi.

Skrá mig á fjárfestafund á Kirkjusandi.

Símafundur á ensku

Á þriðjudaginn verður markaðsaðilum einnig boðið upp á símafund kl. 10.00 á ensku. Farið verður yfir helstu atriði í íslenskum efnahagsmálum og afkomu bankans. Vinsamlegast skráið ykkur á símafundinn með að senda póst á ir@islandsbanki.is. Fundargögn og aðgangsorð vegna símafundar verða send út til skráðra aðila 2 tímum fyrir fundinn.

Öll gögn má nálgast á vef fjárfestatengsla
www.islandsbanki.is/fjarfestatengsl

Upplýsingar um fjárhagsdagatal bankans og þögul tímabil má finna hér: http://www.islandsbanki.is/um-islandsbanka/fjarfestatengsl/fjarhagsdagatal/.

Myndband

Jón Guðni Ómarsson, fjármálastjóri Íslandsbanka, fer yfir það markverðastas í rekstri bankans á öðrum ársfjórðungi 2016 í meðfylgjandi myndbandi.


ÍSB 1H16 fréttatilkynning
ÍSB 1H16 fjárfestakynning
ÍSB 1H16 árshlutareikningur

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall