Íslandsbanki fyrstur til að taka nýju vöru QuizUp í gagnið

28.08.2015

Starfsfólk Íslandsbanka mun á næstunni fá tækifæri til að sameina fræðslu og leik á vinnutíma. Íslandsbanki hefur gert samning við íslenska hugbúnaðarfyrirtækið Plain Vanilla um kaup á nýjustu vöru fyrirtækisins, appi sem nefnist "QuizUp at Work". Nýja appinu er ætlað að vera tól til að fræða, þjálfa og skapa góðan starfsanda.

Íslandsbanki hefur verið framarlega í fræðslu og þjálfun starfsfólks og í vinnustaðakönnunum. Bankinn er fyrstur til að prófa appið hér á landi og var skrifað undir samkomulag vegna þessa á skrifstofum  Plain Vanilla á Laugavegi 77 fyrir helgi.

QuizUp at Work verður algerlega til hliðar við QuizUp samfélagið sjálft og munu starfsmenn viðkomandi fyrirtækja fá aðgang að lokuðu samfélagi þar sem þeir geta kynnst hver öðrum, spreytt sig á sérsniðnum spurningum er varða starf sitt eða vinnustaðinn og komið ábendingum á framfæri. Samfélagshluti býður upp á margar leiðir til að efla menningu og starfsanda fyrirtækja. Þar er hægt að setja í gang litla leiki í kringum viðburði innan fyrirtækjanna og byggja upp stemmningu hjá starfsfólki fyrir þeim. Þá er hægt að nota appið til að kynna og upplýsa starfsmenn um markaðsherferðir sem eru að fara í gang eða kynna þeim nýjar vörur og þjónustu fyrirtækjanna. Einnig getur þetta verið góð leið til að kynna nýja starfsmenn, þjálfa þá og hjálpa þeim að kynnast vinnufélögum sínum.

Hundruðir fyrirspurna frá áhugasömum fyrirtækjum

Varan var kynnt í Bandaríkjunum fyrir nokkrum dögum og hafa fjölmargir erlendir fjölmiðlar fjallað um þetta nýjasta útspil QuizUp. Viðbrögðin frá áhugasömum viðskiptavinum hafa heldur ekki látið á sér standa. Þegar hafa borist nokkur hundruð beiðnir frá fyrirtækjum um að fá kynningu á möguleikum QuizUp at Work.

Quizup er nú þegar vinsælasta spurningaapp heims, með yfir 70 milljón notendur. Leikurinn hefur verið að þróast í þá átt að verða samfélagsmiðill, þar sem notendur eru tengdir saman eftir sameiginlegum áhugamálum. Árangurinn hefur ekki leynt sér en frá því ný uppfærsla leiksins var kynnt í vor hafa virkir notendur sem skrá sig daglega til leiks ríflega tvöfaldast.

Hafsteinn Bragason, mannauðsstjóri Íslandsbanka:

„Við leggjum mikla áherslu á að vera stöðugt að efla starfsfólk Íslandsbanka með því að bjóða upp á ýmis konar fræðslu og þjálfun. Tækninni fleygir fram og í nútímaumhverfi þarf fólk einfaldlega sífellt að vera að mennta sig. Við sjáum hins vegar á rannsóknum að mikilvægt er að nýta fjölbreyttari kennsluaðferðir nú en áður og við teljum QuizUp at Work henta vel í okkar fræðslustarf. Alls konar hagræði fylgir QuizUp at work. Það þarf t.d. engin námskeiðsgögn og fólk spilar QuizUp á sínum síma, í sínu umhverfi og á þeim tíma sem hentar. Þar fyrir utan er þetta mjög fersk nálgun í fræðslu með mikið skemmtanagildi. Starfsfólk bankans mun án efa taka þessari nýjung fagnandi sem mun nýtast okkur vel."

Þorsteinn B. Friðriksson, framkvæmdastjóri Plain Vanilla:

„Við sáum ekki beint fyrir að við ættum eftir að þróa QuizUp í þessa átt þegar við stofnuðum fyrirtækið. Það er samt stundum þannig að óvæntir markaðir opnast þar sem að eiginleikar nýrrar tækni nýtast mjög vel. Símenntun og þjálfun er orðinn mjög stór þáttur í starfsemi fyrirtækja, en um leið þá eru aðferðirnar sem er beitt frekar gamaldags. Þess er krafist að fólk sitji og hlusti á fyrirlestra heilu og hálfu dagana eða setjist niður og lesi langar handbækur. Fólk hefur minni þolinmæði gagnvart slíku í dag og þarna eru kostir QuizUp at Work augljósir. Í raun gætum við þróað QuizUp í fleiri slíkar áttir t.d. sem kennslustól fyrir skóla en við ætlum samt að byrja á stórum fyrirtækjum. Við sjáum að þörfin er mjög mikil fyrir tól sem hjálpa til við þjálfun starfsfólks."


Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall