Unga fólkið er í auknum mæli að komast inn á húsnæðismarkaðinn

20.05.2015

Töluverð hækkun varð á íbúðaverði á höfuðborgarsvæðinu á síðastliðnu ári en byggingamarkaður er hægt og sígandi að ná sér á strik aftur og vísbendingar eru um að íbúðamarkaðurinn sé að sigla í ákveðið jafnvægi þar sem íbúðaframboð mun aukast á næstu misserum en engu að síður ríkir töluverð óvissa á markaðnum.
Þetta er meðal þess sem kemur fram í nýrri skýrslu sem Reykjavík Econonmics hefur unnið fyrir Íslandsbanka en helstu niðurstöður hennar verða kynntar á opnum fundi  í útibúi bankans á Granda í dag.

257 milljarða velta á síðasta ári
Í skýrslunni kemur fram að þinglýstum kaupsamningum fjölgaði  um tæplega 12% frá árinu á undan en samtals voru þeir 8314 á síðasta ári.  Heildarvelta á íbúðarmarkaðinum nam 257 milljörðum króna sem er rúmlega 16% hækkun að nafnvirði en árið á undan. Í skýrslu Reykjavík Economics kemur fram að íbúðaverð á höfuðborgarsvæðinu hafi hækkað um 8,8% á síðasta ári.  Verð á eignum í fjölbýli hækkaði um 9% en eignir í sérbýli hækkuðu um 7,7%.

Mikilvægt að byggja meira
Fram kemur að ekki hefur verið  byggt nægilega mikið til að mæta náttúrulegri íbúafjölgun á höfuðborgarsvæðinu.  Samtals voru 954 íbúðir fullgerðar á höfuðborgarsvæðinu á árinu 2014 sem er 203 íbúðum meira en árið 2013.  Að jafnaði hafa tæplega 1200 íbúðir verið fullgerðar árlega á árabilinu 1983-2014.  Um síðustu áramót voru 1813 íbúðir í byggingu á höfuðborgarsvæðinu sem eru 364 færri íbúðir en um áramótin 2013.  Byrjað var á 570 íbúðum á síðasta ári sem er vel undir langtíma meðaltali.
Bólumyndun takmörkuð á en íbúðaverð miðsvæðis í Reykjavík engu að síður dýrt
Í skýrslu Reykjavik Economics kemur fram að skuldastaða heimila hefur batnað nokkuð með minnkandi atvinnuleysi og auknum kaupmætti.  Bólumyndun á fasteignamarkaði á höfuðborgarsvæðinu er takmörkuð en íbúðarhúsnæði er engu að síður orðið dýrt miðsvæðis í Reykjavík.

Fyrstu kaupendur: Unga fólkið  er í auknum mæli að komast inn á húsnæðismarkaðinn
Staða fyrstu kaupenda hefur batnað þar sem þeir eru nú orðnir yfir 20% kaupenda á höfuðborgarsvæðinu en voru aðeins 13,6% að meðaltali frá því 2008. Meðalaldur fyrstu kaupenda hefur hækkað og er í dag 29 ár sem er svipað og í Bretlandi.  Íslandsbanki hóf á síðasta ári að veita þeim sem kaupa sína fyrstu íbúð sérstakt aukalán til að auðvelda kaupin. Viðtökurnar hafa verið góðar og fer eftirspurn eftir þeim vaxandi.

Nánar verður fjallað um niðurstöður skýrslunnar á opnum fundi í útibúa bankans á Granda  sem sýndur verður í beinni kl. 17:15 í dag á vef Íslandsbanka - www.islandsbanki.is/bein-utsending

 

 

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall