Góð skráning í Reykjavíkurmaraþon Íslandsbanka

08.07.2014
Reykjavíkurmaraþon Íslandsbanka 2014 fer fram laugardaginn 23.ágúst í 31.sinn. Skráning í hlaupið er í fullum gangi og hafa nú þegar 6.295 skráð sig. Á sama tíma í fyrra voru 5.884 skráðir til þátttöku og því fjölgun í skráningum 7% milli ára.

Hægt er að velja á milli sex vegalengda og því ættu allir aldurshópar og getustig að finna eitthvað við sitt hæfi:

Maraþon (42,2 km)
Hálfmaraþon (21,1 km)
Boðhlaup (2-4 saman í liði hlaupa samtals 42,2 km)
10 km hlaup
3 km skemmtiskokk
Latabæjarhlaup (fyrir 8 ára og yngri)

Flestir eru skráðir í 10 km hlaupið eða 3.198 og næst flestir í hálft maraþon, 1.621 hlauparar. Töluvert fleiri konur hafa skráð sig til þátttöku en karlar en þær eru 60% af skráðum þátttakendum.

Fjölmargir erlendir hlauparar koma til landsins ár hvert til að taka þátt í Reykjavíkurmaraþoni Íslandsbanka. Í dag hafa 1.686 erlendir þátttakendur skráð sig til þátttöku og eru flestir þeirra frá Bandaríkjunum eða 350 manns. Skráðir Bretar eru 324 talsins og Þjóðverjar 174. Þá eru 143 Kanadamenn, 97 Norðmenn og 76 Svíar einnig skráðir.

Líkt og undanfarin ár fer fram áheitasöfnun í tengslum við hlaupið á vefnum hlaupastyrkur.is. 

Söfnunin í ár er nýhafin og hafa þegar safnast rúmar þrjár milljónir til góðra málefna. Í fyrra var slegið met í áheitasöfnuninni þegar 72,5 milljónir króna söfnuðust til góðgerðamála. 

Allar nánari upplýsingar um Reykjavíkurmaraþon Íslandsbanka má finna á vefnum marathon.is en þar fer einnig fram skráning í hlaupið.

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall