Ný skýrsla Íslandsbanka um íslensk sveitarfélög

27.05.2014

Íslandsbanki gefur nú út í annað sinn skýrslu með greiningu á málefnum og fjármálum sveitarfélaga. Leitast er við að gefa innsýn í rekstur sveitarfélaga en staða þeirra hefur verið talsvert í umræðunni þar sem mörg þeirra hafa þurft að ráðast í víðtækar aðhaldsaðgerðir og hagræðingu í rekstri á síðustu árum. Skýrslan er unnin af sveitarfélagateymi Íslandsbanka og er stuðst við ársreikninga frá árinu 2013 hjá 60 sveitarfélögum sem spanna um 99% íbúa landsins. Hér má lesa skýrsluna í heild sinni.

Lykilatriði:

  • Tekjur íslenskra sveitarfélaga aukast á milli ára
  • Skuldir og skuldbindingar lækka í fyrsta sinn frá árinu 2008
  • Hlutfallsleg fólksfjölgun á landinu
  • Rekstur 97% sveitarfélag standa undir núverandi skuldsetningu (A- og B-hluti)
  • Rekstur 88% sveitarfélaga standa undir núverandi skuldsetningu (A-hluti)
  • Aukaframlög úr jöfnunarsjóði í lágmarki

Samkvæmt skýrslunni hefur rekstur og fjárhagsstaða sveitarfélaga verið að styrkjast á heildina litið allt frá árinu 2009. Flest sveitarfélaganna hafa lagt áherslu á hagræðingu í rekstri og að greiða niður skuldir. Hins vegar hafa heildar fjárfestingar og framkvæmdir sveitarfélaganna verið í lágmarki, nokkur sveitarfélög hafa þó byggt hjúkrunarheimili á framangreindu tímabili. Það verkefni er samvinnuverkefni milli ríkis og sveitarfélags þar sem ríkið gerir langtímaleigusamning við sveitarfélagið.

Í skýrslunni kemur fram að tekjur íslenskra sveitarfélaga eru að aukast á milli ára og nemur aukningin rúmum 71 mö.kr. eða um 32% frá árinu 2010. Á árinu 2013 lækkuðu skuldir og skuldbindingar sveitarfélaga á Íslandi um rúmlega 39 ma.kr. frá árinu á undan sem samsvarar um 7% lækkun. Styrking krónunnar útskýrir að hluta til þessa lækkun en á árinu 2013 lækkaði gengisvísitala krónunnar um 9%.

Í skýrslunni kemur fram að íbúaþróun hafi verið jákvæð undanfarin tvö ár. Hlutfallsleg fólksfjölgun hefur orðið á öllum landssvæðum nema einu, Norðurlandi vestra. Mest var aukningin á Höfuðborgarsvæðinu (2,5%) en þar á eftir komu Suðurnes, Suðurland og Austurland. Ef horft er á tímabilið frá árinu 2010 til 2012 var þessu öfugt farið en þá var fækkun á nánast öllum landsvæðum. Helsta skýring á þessum mun er að á tímabilinu frá 2010 til 2012 voru búferlaflutningar á milli landa þannig að brottfluttir voru umfram aðflutta en sú þróun hefur snúist við síðastliðin tvö ár.

Fjárhagsleg staða sveitarfélaga landsins er nokkuð góð samkvæmt skýrslunni og hefur þróunin verið jákvæð síðustu ár. Niðurstöðurnar fyrir A og B hluta benda til þess að rekstur um 97% sveitarfélaga sé í lagi og geti staðið undir núverandi skuldsetningu.  Séu niðurstöður fyrir A hluta skoðaðar sýna þær að rekstur 88% sveitarfélaga stendur undir skuldsetningu. Lækkun hlutfallsins bendir til þess að mörg sveitarfélög á Íslandi séu með sterk B-hluta félög sem rekstur sveitarfélagsins í heild nýtur góðs af. Margar ástæður geta verið fyrir mismunandi fjárhagsstöðu sveitarfélaga, til dæmis ólíkt atvinnulíf, íbúaþróun og breyting á tekjustofni.

Hér má lesa skýrsluna í heild sinni.

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall