Almennt hlutafjárútboð N1 hefst í dag

06.12.2013 - Fréttir Verðbréfaþjónustu
Í dag, föstudaginn 6. desember 2013, kl. 10.00 hefst almennt útboð með hlutafé N1 hf. Útboðið stendur til kl. 16.00 mánudaginn 9. desember 2013.

Skráning fer fram á heimasíðu Íslandsbanka.

Í tengslum við almennt útboð á hlutabréfum í N1 skv. 43. gr. laga nr. 108/2007 um verðbréfaviðskipti og umsókn félagsins um töku allra hlutabréfa í N1 til viðskipta á Aðalmarkaði NASDAQ OMX Iceland hf., hefur félagið birt lýsingu dags. 26. nóvember 2013, sem samanstendur af samantekt, verðbréfalýsingu og útgefandalýsingu.

Lýsingin ásamt viðaukanum eru birt á vefsíðu félagsins. Útprentuð eintök af Lýsingunni, ásamt viðaukanum, má jafnframt nálgast í höfuðstöðvum N1 Dalvegi 10-14, 201 Kópavogi. Lýsingin ásamt viðauka verða aðgengileg næstu 12 mánuði.

Útgefið hlutafé N1 hf. nemur er 1.000.000.000. Allir hlutirnir eru í sama flokki og jafn réttháir. Hlutir félagsins eru gefnir út rafrænt í kerfi Verðbréfaskráningar Íslands hf. og er hver hlutur 1 króna að nafnverði. Stjórn félagsins hefur óskað eftir því að N1verði auðkenni hlutabréfanna í kerfum NASDAQ OMX Iceland hf.

Útboðið fer fram í tveimur hlutum:

Tilboðsbók A, þar sem 10% af útgefnu hlutafé félagsins er boðið til sölu á bilinu 13,5 – 15,3 kr. á hlut. Í tilboðsbók A er tekið við áskriftum að andvirði á bilinu 100.000 til 10.000.000 kr.

Tilboðsbók B, þar sem 15-18% hlutafjár er boðið til sölu með uppboðsfyrirkomulagi. Tilgreint lágmarksverð í B hluta er 15,3 kr. á hlut, en ekkert hámarksverð er á tilboðum. Í tilboðsbók B er tekið við áskriftum að andvirði 10.000.001 eða hærri. 

Allar frekari upplýsingar eru veittar af starfsmönnum VÍB – Eignastýringu Íslandsbanka í síma 440 4900 og með tölvupósti á vib@vib.is milli kl. 9.00 og 20.00 á meðan áskriftartímabilið stendur yfir.

Hér má sjá upptöku frá fundi VÍB um skráningu N1 þar sem Eggert Benedikt Guðmundsson, forstjóri N1 og Eggert Þór Kristófersson, framkvæmdastjóri fjármálasviðs ræddu um fyrirtækið og tóku á móti spurningum fjárfesta. 

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall