Íslandsbanki endurgreiðir 20.000 viðskiptavinum vexti

21.02.2013
Um 20.000 skilvísir viðskiptavinir Íslandsbanka munu mánudaginn 25. febrúar næstkomandi fá endurgreidda 30% af þeim vöxtum sem þeir greiddu af húsnæðislánum og öllum almennum skuldabréfalánum hjá bankanum á síðasta ári. Undanskilin eru þau húsnæðislán sem verða endurreiknuð í samræmi við dóma Hæstaréttar um fullnaðarkvittanir. Heildarupphæð endurgreiðslunnar er um 2,5 milljarðar króna en að meðaltali mun hver viðskiptavinur fá endurgreiddar um 120.000 krónur. Endurgreiðslan getur að hámarki numið 500.000 krónum á hvern viðskiptavin.

Grunnur að sparnaði
Upphæðin verður lögð inn á sparnaðarreikning í nafni viðskiptavinar, Vaxtaþrep 30 dagar. Reikningurinn er bundinn og ber stighækkandi vexti eftir fjárhæð innstæðu. Viðskiptavinir geta tekið út af reikningnum á einfaldan hátt í gegnum Netbanka Íslandsbanka með 30 daga fyrirvara. Vextir á reikningnum eru hærri en á almennum óbundnum innlánsreikningum og eru greiddir út mánaðarlega inn á ráðstöfunarreikning viðskiptavinar. Því er hægt að ráðstafa þeim að vild í lok hvers mánaðar án þess að hreyfa höfuðstólinn.

Með því að greiða upphæðina inn á Vaxtaþrep 30 daga vill Íslandsbanki leggja grunn að sparnaði viðskiptavina sinna en hafa ber i huga að í sumum tilvikum getur besti sparnaðurinn falist í að greiða niður skuldir sem bera háa vexti. Viðskiptavinir eru hvattir til að panta sér viðtal hjá ráðgjafa í útibúum Íslandsbanka til að fara yfir hvaða sparnaðarleiðir henta þeim best.

Birna Einarsdóttir, bankastjóri Íslandsbanka: 
„Við vonum að með þessari endurgreiðslu geti margir lagt grunn að sparnaði eða greitt niður skuldir. Við viljum þakka viðskiptavinum fyrir viðskiptin á undanförnum árum og þá tryggð sem þeir hafa sýnt okkur. Við finnum fyrir ákveðnum þáttaskilum í umhverfi okkar og vonum að viðskiptavinir okkar geti horft bjartari augum til framtíðar.“

Nýjustu fréttir

Íslandsbanki veitti Horni III ráðgjöf við kaup á helmingshlut í Líflandi

24.03.2017
Framtakssjóðurinn Horn III hefur fest kaup á 50% hlut í Líflandi. Nánar

Aðalfundur Íslandsbanka 2017

23.03.2017 - Kauphöll
Aðalfundur Íslandsbanka var haldinn í dag, fimmtudaginn 23. mars. Nánar

Aðalfundur Íslandsbanka á fimmtudaginn

21.03.2017
Aðalfundur Íslandsbanka verður haldinn fimmtudaginn 23. mars 2017 kl. 15.00 í Hörpu.Nánar

Breytt kortatímabil

21.03.2017
Kortatímabil Íslandsbanka mun breytast frá og með maí næstkomandi.Nánar

Aflétting gjaldeyrishafta í Netbanka

21.03.2017
Í kjölfar afléttingu gjaldeyrishafta hefur Íslandsbanki opnað fyrir eftirfarandi aðgerðir í netbönkum sínumNánar

Varað við tölvupóstum í nafni Símans

16.03.2017
Íslandsbanki vill vara viðskiptavini sína við tölvupóstum sem sendir hafa verið nýlega út í nafni Símans. Nánar

Íslandsbanki veitti Vodafone ráðgjöf við kaup á eignum 365 miðla

15.03.2017
Fjarskipti (Vodafone) og 365 miðlar rituðu undir samning þann 14. mars 2017 um kaup Fjarskipta á öllum eignum og rekstri 365 miðla. Nánar
Netspjall