Tveir flokkar sértryggðra skuldabréfa stækkaðir

13.12.2012
Íslandsbanki hf. hefur lokið útboði á þremur flokkum sértryggðra skuldabréfa sem eru skráðir á NASDAQ OMX Iceland. Verðtryggða 7 ára útgáfan var stækkuð um  610.000.000 kr. á ávöxtunarkröfunni 2,72%, verðtryggða 12 ára útgáfan var stækkuð um 1.410.000.000 kr. á ávöxtunarkröfunni 3,13% en óverðtryggða 3 ára útgáfan var ekki stækkuð að þessu sinni.


Alls hefur Íslandsbanki gefið út fjóra flokka sértryggðra skuldabréfa samtals að upphæð 13.420.000.000 kr. frá fyrstu útgáfu bankans á slíkum bréfum í desember 2011. Bréfin voru seld til breiðs hóps fagfjárfesta. Heildareftirspurnin í útboðinu var 3.260.000.000 kr. en 62% tilboða var tekið að upphæð ISK 2.020.000.000 kr.


Stefnt er á að bréfin verði tekin til viðskipta í NASDAQ OMX Iceland þann 20. desember næstkomandi. Viðskiptavakt fyrir alla flokka sértryggðra skuldabréfa Íslandsbanka er á vegum MP banka. 


Bréfin eru gefin út í samræmi við lög nr. 11 frá 2008 um sértryggð skuldabréf þar sem strangar kröfur eru gerðar til útgefenda. Tryggingasafnið að baki skuldabréfunum skal standast sérstök vikuleg álagspróf með tilliti til vaxta og gengis gjaldmiðla. Þá hefur Fjármálaeftirlitið sérstakt eftirlit með útgáfunum, sem einnig tilnefnir sjálfstæðan skoðunarmann til að sinna eftirliti. Skýrslur um tryggingasafnið að baki sértryggðu skuldabréfunum eru gefnar út ársfjórðungslega og má finna á vef Íslandsbanka

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall