Eimskipafélag Íslands hf. - Almennt hlutafjárútboð

30.10.2012

Fyrsti dagur almenns útboðs

Í dag, þriðjudaginn 30. október 2012, kl. 10.00 hefst almennt útboð með hlutafé Eimskips. Útboðið stendur til kl. 16.00 föstudaginn 2. nóvember 2012.

Skráning fer fram á heimasíðu Straums fjárfestingabanka hf., http://www.straumur.com/ og á heimasíðu Íslandsbanka, http://www.islandsbanki.is/

Í tengslum við almennt útboð á hlutabréfum í Eimskipafélagi Íslands hf. (hér eftir „Eimskip" eða „félagið") skv. 43. gr. laga nr. 108/2007 um verðbréfaviðskipti og umsókn félagsins um töku allra hlutabréfa í Eimskip til viðskipta á Aðalmarkaði NASDAQ OMX Iceland hf., hefur Eimskip birt lýsingu dags. 22. október 2012, sem samanstendur af samantekt, verðbréfalýsingu og útgefandalýsingu, allt dagsett 22. október 2012, auk viðauka við lýsinguna skv. 46. gr. laga nr. 108/2007 um verðbréfaviðskipti, dags. 29. október 2012 (hér eftir nefnt „Lýsingin").

Lýsingin ásamt viðaukanum eru gefin út á ensku, og eru birt á vefsíðu félagsins, www.eimskip.is, ásamt íslenskri þýðingu á samantektinni. Útprentuð eintök af Lýsingunni, ásamt viðaukanum, má jafnframt nálgast í höfuðstöðvum Eimskips í Korngörðum 2, 104 Reykjavík. Lýsingin ásamt viðauka verða aðgengileg næstu 12 mánuði.

Heildarfjöldi útgefinna hluta í Eimskip nemur 200.000.000, en þar af á félagið um 6,0% eigin hluta. Allir hlutirnir eru í sama flokki og jafn réttháir. Hlutir félagsins eru gefnir út rafrænt í kerfi Verðbréfaskráningar Íslands hf. og er hver hlutur 1 króna að nafnverði. Stjórn félagsins hefur óskað eftir því að EIM verði auðkenni hlutabréfanna í kerfum NASDAQ OMX Iceland hf.

Seljendur í almenna útboðinu munu bjóða til sölu 10.000.000 áður útgefna hluti í Eimskip, sem samsvarar 5% af heildarhlutafé félagsins. Verði umframeftirspurn mun Eimskip bjóða til sölu allt að 6.000.000 af eigin hlutum og stækkar útboðið þá í allt að 8% af útgefnum hlutum eða samtals 16.000.000 hluti. Lágmarksáskrift er 25 þúsund krónur fyrir starfsmenn Eimskips og 50 þúsund krónur fyrir aðra fjárfesta. Útboðsgengið er fyrirfram ákveðið, kr. 208 á hvern hlut.

Allar frekari upplýsingar eru veittar af starfsmönnum Straums og Íslandsbanka í síma 525 7070 milli kl. 10.00 og 20.00 á meðan útboði stendur.

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall