Aukin eftirspurn eftir íslenskri sérþekkingu á nýtingu jarðvarma

14.09.2012

Íslandsbanki stóð í morgun fyrir fundi um íslenska orkumarkaðinn og gefur jafnframt út nýja skýrslu sem veitir gott yfirlit yfir markaðinn. Á fundinum flutti Vilhelm Már Þorsteinsson, framkvæmdastjóri Fyrirtækjasviðs Íslandsbanka, ávarp. Þá kynnti Hjörtur Þór Steindórsson, viðskiptastjóri orkumála hjá Íslandsbanka, skýrsluna. Að lokum fór Guðmundur Þorbjörnsson, framkvæmdastjóri EFLU verkfræðistofu, yfir tækifærin á íslenska orkumarkaðinum. Fundarstjóri var Friðrik Sophusson, stjórnarformaður Íslandsbanka.

Íslandsbanki hefur á undanförnum árum gefið út skýrslur um jarðhitaorkumarkaðinn, bæði hér á landi og í Bandaríkjunum. Markmiðið með útgáfunni á skýrslunni nú er að veita yfirsýn yfir íslenska orkumarkaðinn, stöðu hans, helstu fyrirtæki í geiranum, tækifæri og hindranir.

Útrás íslenskrar sérþekkingar
Hlutfall orku- og orkutengdra verkefna í heildarveltu verkfræði- og þjónustufyrirtækja hefur aukist að meðaltali frá árinu 2008. Þessa aukningu má að mestu rekja til eftirspurnar erlendir frá eftir íslenskri sérþekkingu og reynslu. Sjö af átta stærstu verkfræði- og þjónustufyrirtækjum landsins eru nú með starfsemi erlendis, m.a. í Chile, Kenía, Eþíópíu, Nýja-Sjálandi, Grænlandi og Noregi. Verkefnin sem fyrirtækin sinna eru flest á sviði jarðhita, t.a.m. ráðgjafarvinna, úrvinnsla á jarðhitarannsóknum, þjálfun og kennsla.Um 200 starfsmenn íslenskra verkfræðistofa eru nú staðsettir erlendis.

Aðstæður á fjármagnsmörkuðum draga úr framkvæmdum
Um 14 virkjanakostir eru á bið eða til skoðunar hjá orkufyrirtækjunum. Tíu af þessum 14 kostum eru jarðvarmavirkjanir. Fyrirhugaðar virkjanaframkvæmdir kalla á gríðarlega fjárfestingu. Krefjandi aðstæður á alþjóðlegum fjármagnsmörkuðum og skuldsetning íslenskra orkufyrirtækja gerir þeim erfiðara fyrir þegar kemur að fjármögnun nýrra verkefna.
Undanfarin ár hafa orkufyrirtækin breytt um áherslur í rekstri í takt við breyttar markaðsaðstæður og farið að horfa til annars konar iðnaðar en stóriðju. Tölur frá Hagstofu Íslands sýn að raforkuvinnsla í landinu er að aukast ár frá ári og hefur aldrei verið meiri en í dag.

Fleiri störf skapast á ný
Töluverð fækkun varð á starfsfólki í kjölfar hruns íslenska hagkerfisins en smátt og smátt hefur starfsemin byggst aftur upp og starfsfólki fjölgað jafnt og þétt innan veggja fyrirtækjanna. Um 850 manns starfa hjá orkufyrirtækjum landsins og um 1.260 hjá helstu verkfræði- og þjónustufyrirtækjum í orkugeiranum. Þetta eru í heildina um eitt hundrað færri starfsmenn en árið 2008.

Sérstaða Íslands í endurnýtanlegri orku
Ísland stendur framarlega í framleiðslu og nýtingu endurnýjanlegrar orku í heiminum í dag. Frumorkunotkun á Íslandi hefur aukist um rúm 70% á síðustu 12 árum. Á sama tíma hefur raforkuframleiðsla aukist um 124% og er núverandi raforkuframleiðsla um 73% frá vatnsafli og 27% frá jarðhita. Raforkunotkun á hvern íbúa miðað við höfðatölu er hvergi meiri en á Íslandi. Þá er Ísland efst á lista þegar kemur að endurnýjanlegri raforkuframleiðslu á hvern íbúa miðað við höfðatölu. Stóriðja er langstærsti raforkunotandinn á Íslandi en hún nýtir um 80% af notkunarinnar. Raforka til íslenskra heimila er aðeins rúm 5% af heildarraforkunotkun.

Íslenski orkumarkaðurinn - Skýrsla 2012 (pdf)

Myndabanki

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall