Endurskipulagning Íslandsbanka í samræmi við reglur EES

27.06.2012 - Kauphöll
ESA, Eftirlitsstofnun EFTA, hefur komist að þeirri niðurstöðu að þær ráðstafanirnar sem gripið var til við stofnun Íslandsbanka haustið 2008 séu samrýmanlegar ríkisstyrkjareglum EES-samningsins. Íslandsbanki er fyrstur af viðskiptabönkunum þremur til að fá samþykki ESA fyrir stofnun og starfsemi bankans. Samþykkið er fengið í ljósi þess að bankinn hefur sýnt fram á rekstrarhæfi til langs tíma; að kostnaður við endurskipulagningu skiptist hæfilega milli eigenda bankans, bankans sjálfs og ríkisins og að ríkisaðstoðin takmarkist við það sem nauðsynlegt er; og að fullnægjandi ráðstafanir séu gerðar til að draga úr röskun á samkeppni.

Í niðurstöðunni kemur fram að Íslandsbanki hafi tekist á við brotalamir forvera síns og búi nú við sterkt eiginfjárhlutfall. Þá hafi bankinn náð árangri varðandi endurskipulagningu lána skuldsettra viðskiptavina sinna. Á fyrsta ársfjórðungi þessa árs höfðu um 18.200 einstaklingar og um 3.000 fyrirtæki fengið afskriftir, eftirgjafir eða leiðréttingar á skuldum frá stofnun bankans sem nemur um 370 milljörðum króna. 

ESA tekur einnig tillit til þess að margar umbætur hafa verið gerðar á löggjöf um fjármálastarfsemi frá haustinu 2008. Þessar breytingar hafi, að mati ESA, styrkt regluverk um fjármálastarfsemi á Íslandi og þar með aukið á öryggi í rekstri fjármálafyrirtækja. Þá telur ESA að kröfu um nægjanlegt framlag eigenda og fjárfesta sé mætt og bót sé ráðin á freistnivanda þar sem fyrrum eigendur Glitnis hafi glatað hlutafjáreign sinni og lánadrottnar bankans hafi einnig þurft að sæta miklu tapi. 

Íslandsbanki skuldbindur sig til að halda áfram sölu á eignarhlutum í fyrirtækjum enda er slíkt í takt við stefnu bankans. Þá mun Íslandsbanki veita upplýsingar á vefsíðu sinni um hvernig skipta megi um viðskiptabanka og auðvelda þannig slíkt ferli fyrir þá viðskiptavini sem þess óska. Ennfremur er Íslandsbanka, í tiltekin tíma, óheimilt að kaupa aðrar fjármálastofnanir nema með samþykki ESA. 

Birna Einarsdóttir, bankastjóri Íslandsbanka:
"Það er mikilvægt að þessi áfangi sé nú í höfn og Íslandsbanki þar með fyrsti viðskiptabankinn hér á landi til að fá samþykki ESA fyrir þeim aðgerðum sem gripið var til haustið 2008. Mikil áhersla hefur verið lögð á að styrkja innviði bankans frá stofnun hans og hefur eitt af lykilverkefnum bankans snúið að úrbótum í þeim efnum. Þessi niðurstaða staðfestir að rekstur bankans er á réttri leið og að miklum árangri hefur verið náð í endurskipulagningu bankans á síðustu tæpum fjórum árum."

Eldri fréttir

9 starfsmenn Íslandsbanka útskrifaðir sem vottaðir fjármálaráðgjafar

27.05.2015
Þann 21.maí fór fram útskrift vottaðra fjármálaráðgjafa og þeirra á meðal voru 9 starfsmenn Íslandsbanka. Við óskum eftirfarandi starfsmönnum...Nánar

Þjóðhagsspá Greiningar Íslandsbanka 2015 -2017

26.05.2015
Greining Íslandsbanka hefur birt nýja þjóðhagsspá. Samkvæmt henni er gert ráð fyrir að hagvöxtur verði hóflegur á næstu tveimur árum. Gert er ráð...Nánar

Unga fólkið er í auknum mæli að komast inn á húsnæðismarkaðinn

20.05.2015
Ný skýrsla um fasteignamarkaðinn á höfuðborgarsvæðinu er kynnt á fundi Íslandsbanka í nýju útibúi bankans á Granda í dag. Fundurinn er einnig sendur...Nánar

Íslandsbanki fjármagnar frekari vöxt Icelandair Group

19.05.2015
Íslandsbanki og Icelandair Group hafa gengið frá samningi um lánalínu sem nemur 70 milljónum dollara eða rúmum 9 milljörðum króna. Nánar

Íslandsbanki hf. : Afkoma fyrsta ársfjórðungs 2015

13.05.2015 - Kauphöll
Hagnaður bankans eftir skatta var 5,4 ma. kr. á fyrsta ársfjórðungi 2015 samanborið við 8,3 ma. kr. á sama tímabili 2014 en þá voru tekjur af...Nánar

Íslandsbanki opnar útibú á Granda

11.05.2015
Íslandsbanki opnaði í dag nýtt útibú á Fiskislóð 10 á Granda en þar sameinast útibúin í Lækjargötu og Eiðistorgi. Nánar

Íslandsbanki fyrstur í fjárfestingarflokk frá 2008

30.04.2015
Fitch Ratings metur lánshæfi Íslandsbanka. Íslandsbanki er fyrstur íslenskra banka frá árinu 2008 til að komast í fjárfestingarflokk. Nánar
Netspjall