Afrekssjóður kylfinga stofnaður

19.06.2012

Stofnendur sjóðsins, sem hefur hlotið nafnið Forskot, eru Íslandsbanki, Eimskip, Valitor, Golfsamband Íslands og Icelandair Group. Sjóðurinn hefur það að markmiði að styðja við þá kylfinga, atvinnumenn sem og áhugamenn, sem stefna á að komast í fremstu röð í heiminum í golfíþróttinni.

Golf verður aftur keppnisgrein á Ólympíuleikunum árið 2016 eftir rúmlega100 ára hlé. Sjóðurinn styður íslenska kylfinga til að þeir geti náð því markmiði að komast á Ólympíuleikanna en til þess verða þeir að ná árangri á Evrópsku mótaröðinni eða PGA mótaröðinni. Sjóðurinn mun beina sjónum sínum að tveimur til fimm kylfingum á hverjum tíma og leitast við að gera þeim auðveldara fyrir að æfa og keppa við bestu skilyrði í samræmi við það sem gerist á alþjóðlegum vettvangi.

Stofnendur sjóðsins hafa um árabil stutt við íslenska íþróttamenn og hafa kylfingar notið góðs af stuðningi þeirra á liðnum árum. Með því að sameina krafta þessara aðila verður slagkrafturinn enn meiri og vonandi að þessi samtakamáttur fleyti okkar bestu kylfingum áfram inn á nýjar brautir.

Stofnaðilar sjóðsins leggja mikla áherslu á mikilvægi þess að sterkar fyrirmyndir og það að eiga afreksmenn í íþróttum eru eina mikilvægustu þættirnir í því að fá börn og unglinga til að sinna íþróttum. Því er litið á sjóðinn sem mikilvægt skref til að efla íþróttir barna og unglinga og hvetja þá til dáða.

Stjórn sjóðsins hefur ákveðið að styðja eftirtalda kylfinga á árinu 2012 og nemur heildarstyrkurinn um 15 milljónum króna. Þessir aðilar eru eftirfarandi:

  • Birgir Leifur Hafþórsson GKG 
  • Tinna Jóhannsdóttir GK 
  • Stefán Már Stefánsson GR 
  • Ólafur Björn Loftsson NK 
  • Þórður Rafn Gissurarson GR

Stífar kröfur eru gerðar til þessara íþróttamanna um ráðstöfun þessara styrkja og ber þeim að leggja fram æfinga- og keppnisáætlanir auk fjárhagsáætlunar fyrir verkefni sín auk þess sem gerðir eru sérstakir samningar við hvern kylfing um að þeir virði reglur Íþrótta- og Ólympíuhreyfingarinnar.

„Þessi styrkur er lífsnauðsynlegur fyrir okkur sem erum að berjast áfram í atvinnugolfinu. Að koma svona verkefni á laggirnar mun hafa í för með sér mjög jákvæða keðjuverkun fyrir alla afrekskylfinga á Íslandi. Nú er loksins komið teymi í kringum atvinnumenn, eitthvað sem hefur alltaf vantað. Þetta er hvatning til ungra og efnilegra kylfinga að æfa sig ennþá meira því atvinnumannadraumurinn er ekki langt undan,“ sagði Birgir Leifur Hafþórsson, atvinnukylfingur úr GKG og fjórfaldur Íslandsmeistari í höggleik.

Eldri fréttir

Íslandsbanki hf. : Stækkun á erlendri skuldabréfaútgáfu

15.04.2015 - Kauphöll
Íslandsbanki hefur stækkað skuldabréfaútgáfu sína að fjárhæð 150 m. sænskra króna á gjalddaga 13. febrúar 2019.Nánar

Íslandsbanki fagnar 100 ára kosningaafmæli kvenna

15.04.2015
Starfsmenn Íslandsbanka fá frí til að taka þátt í hátíðarhöldum Nánar

Íslandsbanki fjármagnar nýja frystigeymslu Eimskips

09.04.2015
Íslandsbanki og Eimskip hafa undirritað lánssamning að fjárhæð 10 milljónir evra vegna uppbyggingar Eimskips á 10.000 tonna frystigeymslu á...Nánar

Íslandsbanki einn máttarstólpa Borgarleikhússins

07.04.2015
Íslandsbanki og Borgarleikhúsið hafa skrifað undir samstarfssamning en bankinn hefur verið einn af máttarstólpum leikhússins um árabil. Nánar

Íslandsbanki gefur út áhættuskýrslu

31.03.2015
Samkvæmt skilgreiningu Evrópska bankaeftirlitsins (EBA) á vanskilum þá var staða Íslandsbanka orðin sambærileg besta þriðjungnum í evrópsku bankakerfi...Nánar

Aðalfundur Íslandsbanka

25.03.2015
Aðalfundur Íslandsbanka fór fram í dag. Friðrik Sophusson, formaður stjórnar, flutti skýrslu stjórnar og Birna Einarsdóttir, bankastjóri, fór yfir...Nánar

Fastengi selur safn atvinnuhúsnæðis

23.03.2015
Fastengi, fasteignafélag í eigu Miðengis, dótturfélags Íslandsbanka, og Reginn fasteignafélag hafa undirritað kaupsamning vegna safns atvinnuhúsnæðis...Nánar
Netspjall