Tveir flokkar sértryggðra skuldabréfa stækkaðir

04.05.2012

Íslandsbanki hefur lokið útboði vegna stækkunar á tveimur flokkum sértryggðra skuldabréfa sem voru teknir til viðskipta í kauphöllinni í mars á þessu ári. Annars vegar var 7 ára útgáfan ISLA CBI 19, stækkuð um 635 milljónir króna á ávöxtunarkröfunni 2,90%, og hins vegar 12 ára útgáfan ISLA CBI 24 um 850 milljónir króna á ávöxtunarkröfunni 3,48%. Nokkur umframeftirspurn var eftir bréfunum en heildareftirspurn eftir þeim nam tæpum 2,2 milljörðum króna. Stefnt er á að bréfin verði tekin til viðskipta í íslensku kauphöllinni þann 10. maí næstkomandi.

Alls hefur Íslandsbanki gefið út sértryggð skuldabréf að upphæð 8.815.000.000 króna frá fyrstu útgáfu í desember 2011 þegar bankinn var fyrsti bankinn frá haustinu 2008 til að gefa út verðbréf í íslensku kauphöllinni.

Bréfin eru gefin út samkvæmt lögum nr. 11 frá 2008 um sértryggð skuldabréf þar sem strangar kröfur eru gerðar til útgefenda. Tryggingasafnið að baki skuldabréfinu skal standast sérstök vikuleg álagspróf með tilliti til vaxta og gengis gjaldmiðla. Þá hefur Fjármálaeftirlitið sérstakt eftirlit með útgáfunni, auk þess sem sjálfstæður skoðunarmaður sinnir eftirliti. Skýrslur um tryggingasafnið að baki sértryggðu skuldabréfunum eru gefnar út ársfjórðungslega og má finna á vef Íslandsbanka.

Jón Guðni Ómarsson, framkvæmdastjóri Fjármálasviðs Íslandsbanka:

“Íslandsbanki hefur nú gefið út þrjár útgáfur sértryggðra skuldabréfa og stækkað tvo flokka. Með þessu er verið að framfylgja þeirri stefnu bankans að gefa út slík bréf fyrir um 10 milljarða króna árlega. Viðtökurnar hafa verið mjög góðar enda var skortur á fjárfestingartækifærum hér á landi. Um leið og útgáfan styrkir fjármálamarkaðinn hér á landi eykst breidd í fjármögnun bankans sem gefur okkur um leið færi á að veita viðskiptavinum okkar góð kjör.”

Nýjustu fréttir

Íslandsbanki hf.: Íslandsbanki gefur út víkjandi skuldabréf að fjárhæð 750 milljón sænskra króna til 10 ára

16.11.2017 - Kauphöll
Íslandsbanki hefur í dag gefið út skuldabréf að fjárhæð 750 milljónir sænskra króna (9,3 milljarðar íslenskra króna) til 10 ára með innköllunarheimild...Nánar

Tafir á millifærslum til viðskiptavina Landsbankans

16.11.2017
Viðskiptavinir Íslandsbanka geta orðið fyrir truflunum á meðan innleiðingu stendur. Nánar

LEI auðkenni og einstaklingsauðkenni vegna viðskipta með fjármálagerninga

09.11.2017 - Fréttir VÍB
Frá og með 3. janúar 2018 þurfa allir lögaðilar sem ætla að eiga viðskipti með fjármálagerninga sem hafa verið teknir til viðskipta á...Nánar

Islandsbanki hf.: Afkoma fyrstu 9 mánuði ársins 2017

09.11.2017 - Kauphöll
Afkoma fyrstu 9 mánuði ársins 2017 Nánar

Ný skýrsla Íslandsbanka um íbúðamarkaðinn

08.11.2017
Íbúðaverð mun hækka um ríflega 20% í ár frá síðasta ári og á næsta ári mun hækkunin nema tæplega 12% ef spár Greiningar Íslandsbanka ná fram að ganga...Nánar

Krakkabankinn opnar á laugardaginn

07.11.2017
Næstkomandi laugardag mun Íslandsbanki fara af stað með nýja viðburðaröð sem hefur fengið nafnið ,,Krakkabankinn“ og er ætlað að höfða til yngstu...Nánar

Kass viðburðir

02.11.2017
Kass býður nú upp á þann valmöguleika að stofna viðburð eða safnanir. Viðburðir geta annað hvort verið fyrir lokaða eða opna hópa eftir því sem hentar...Nánar
Netspjall