Íslandsbanki: Tveir flokkar sértryggðra skuldabréfa stækkaðir

04.05.2012 - Kauphöll

Íslandsbanki hefur lokið útboði vegna stækkunar á tveimur flokkum sértryggðra skuldabréfa sem voru teknir til viðskipta á NASDAQ OMX Iceland í mars 2012. Annars vegar var 7 ára útgáfan ISLA CBI 19, stækkuð um ISK 635.000.000 á ávöxtunarkröfunni 2,90%, og hins vegar var 12 ára útgáfan ISLA CBI 24 stækkuð um ISK 850.000.000 á ávöxtunarkröfunni 3,48%.

Heildarstærð ISLA CBI 19 útgáfunnar er nú orðin ISK 2.465.000.000 og heildarstærð ISLA CBI 24 útgáfunnar orðin ISK 2.350.000.000. Alls hefur Íslandsbanki gefið út sértryggð skuldabréf að upphæð ISK 8.815.000.000 frá fyrstu útgáfu bankans á slíkum bréfum í desember 2011.

Bréfin voru seld til breiðs hóps fagfjárfesta. Heildareftirspurnin í útboðinu var ISK 2.185.000.000, en 68% tilboða var tekið að upphæð ISK 1.485.000.000.

Stefnt er á að bréfin verði tekin til viðskipta í Nasdaq OMX Iceland þann 10. maí næstkomandi. Viðskiptavakt fyrir alla flokka sértryggðra skuldabréfa Íslandsbanka er á vegum MP banka. Bréfin eru gefin út í samræmi við lög nr. 11 frá 2008 um sértryggð skuldabréf þar sem strangar kröfur eru gerðar til útgefenda. Tryggingasafnið að baki skuldabréfinu skal standast sérstök vikuleg álagspróf með tilliti til vaxta og gengis gjaldmiðla. Þá hefur Fjármálaeftirlitið sérstakt eftirlit með útgáfunni, sem einnig tilnefnir sjálfstæðan skoðunarmann til að sinna eftirliti. Skýrslur um tryggingasafnið að baki sértryggðu skuldabréfunum eru gefnar út ársfjórðungslega og má finna á vef Íslandsbanka.

Nýjustu fréttir

Yfirlýsing um ábyrga ferðaþjónustu undirrituð

13.01.2017
Yfirlýsing um ábyrga ferðaþjónustu var undirrituð af forsvarsfólki yfir 250 fyrirtækja í Háskólanum í Reykjavík þann 10. janúar s.l. að viðstöddum...Nánar

Íslandssjóðir fá aukið starfsleyfi

12.01.2017 - Fréttir Íslandssjóðir
Íslandssjóðir eru elsta starfandi rekstrarfélag verðbréfasjóða á landinu. Nánar

Icelandic Group hefur söluferli á Gadus í Belgíu

10.01.2017
Stjórn Icelandic Group hefur ákveðið að hefja söluferli á dótturfélagi sínu Gadus í Belgíu.Nánar

Íslandsbanki hlýtur alþjóðlega vottun í upplýsingaöryggi

09.01.2017
​Íslandsbanki hefur hlotið vottun á stjórnkerfi upplýsingaöryggis samkvæmt alþjóðlega staðlinum ISO 27001. Nánar

Nýr alþjóðlegur fjárfestingasjóður Íslandssjóða

04.01.2017 - Fréttir Íslandssjóðir
Íslandssjóðir hafa stofnað nýjan alþjóðlegan fjárfestingasjóð sem ber heitið Einkasafn erlent og er sjóðurinn opinn fyrir alla sparifjáreigendur og...Nánar

Afgreiðslutími yfir hátíðarnar

23.12.2016
Útibú og afgreiðslur Íslandsbanka verða lokaðar á annan í jólum, mánudaginn 26. desember nk. Að öðru leyti verður afgreiðslutími með hefðbundnum...Nánar

Samfélagsvitund vaknar

21.12.2016 - Samfélagsábyrgð
Stór vinnustaður eins og Íslandsbanki getur komist hjá því að versla við fyrirtæki sem stunda ekki heilbrigða viðskiptahætti. Nánar
Netspjall