VÍB fundur: Einhliða upptaka - raunhæf lausn á gjaldmiðlakreppunni?

27.04.2012

Fundur VÍB, eignastýringarþjónustu Íslandsbanka, fer nú fram en hægt er að horfa á beina útsendingu af fundinum á vib.is. Á fundinum mun Manuel Hinds, hagfræðingur og fyrrverandi fjármálaráðherra El Salvador, fjalla um sjálfstæða gjaldmiðla og hvort einhliða upptaka gjaldmiðils geti verið lausnin á gjaldmiðlakreppu Íslendinga. Yfirskrift fundarins er Einhliða upptaka – raunhæf lausn á gjaldmiðlakreppunni? Hinds var helsti ráðgjafi forseta El Salvador þegar landið tók dollar upp einhliða um síðustu aldamót. Undanfarin ár hefur Hinds starfað sem ráðgjafi samfara ritstörfum með áherslu á fjármálamarkaði. Hinds hefur hlotið fjölda viðurkenninga og verðlauna fyrir ritstörf sín, m.a. Hayek bókmenntaverðlaunin árið 2010 fyrir Money, Markets and Sovereignty sem hann skrifaði með Benn Steil. Hinds var síðast hér á landi í september árið 2007 og mælti þá með einhliða upptöku til að koma í veg fyrir yfirvofandi gjaldmiðlakreppu. 

Að loknu erindi Hinds munu fara fram umræður í pallborði en þar eru Þórarinn G. Pétursson, aðalhagfræðingur Seðlabanka Íslands, Heiðar Guðjónsson, hagfræðingur og fjárfestir og Ingólfur Heiðar Bender, forstöðumaður Greiningar Íslandsbanka. Fundarstjóri er Hrafn Árnason, forstöðumaður Stýringar eigna hjá VÍB. 

Bein lýsing frá fundinum er einnig á Twitter síðu VÍB, auðkenni er #vibfundur

Stefán Sigurðsson, framkvæmdastjóri eignastýringar Íslandsbanka:

„Til þess að reyna að fá betri mynd af því hvort einhliða upptaka sé raunhæf og þá hvernig slík leið gæti verið framkvæmd miðað við stöðuna hér á landi er áhugavert að byggja á reynslu þeirra sem hafa framkvæmt einhliða upptöku. Með það að markmiði hefur VÍB boðið Manuel Hinds hagfræðingi og fyrrum fjármálaráðherra El Salvador að lýsa reynslu El Salvador af einhliða upptöku. Fundinum er ætlað að styðja við opna og faglega umræðu um peningastefnu og gjaldmiðlamál með það að markmiði koma Íslandi út úr gjaldmiðlakreppunni sem fyrst.“

Myndabanki

Eldri fréttir

Metþátttaka í Reykjavíkurmaraþoni Íslandsbanka

23.08.2016
Reykjavíkurmaraþon Íslandsbanka síðastliðinn laugardag var afar vel heppnað og var metþátttaka í ár. Yfir 15 þúsund manns tóku þátt.Nánar

Afkoma fyrri árshelmings 2016

22.08.2016 - Kauphöll
Hagnaður bankans eftir skatta var 13,0 ma. kr. á fyrri árshelmingi ársins 2016 samanborið við 10,8 ma. kr. á sama tímabili 2015. Afkoman skýrist af...Nánar

Þátttakendum fjölgar milli ára

11.08.2016
Áheitasöfnun Íslandsbanka er vel á veg komin en betur má ef duga skal.Nánar

Vefútgáfa Heimabankans opnaði fyrir 20 árum

27.07.2016
Í dag eru 20 ár frá því að Íslandsbanki opnaði fyrsta Heimabankann á internetinum. Nánar

Með Kass gæti áheitið þitt tvöfaldast

22.07.2016
Nú geta þeir sem heita á hlaupara í Reykjavíkurmaraþoni Íslandsbanka notað Kass greiðsluappið til þess að heita á hlaupara á vefnum Hlaupastyrkur.is. ...Nánar

Þrettán námsmenn hljóta námsstyrki ÍSB

22.07.2016
Þrettán námsmenn hlutu á dögunum námsstyrki Íslandsbanka. Námsmennirnir eru úr framhaldsskólum og háskólum og voru valdir úr hópi 300 umsækjenda.Nánar

Íslandsbanki besti bankinn að mati Euromoney

07.07.2016 - Kauphöll
Íslandsbanki hefur verið valinn besti bankinn á Íslandi af alþjóðlega fjármálatímaritinu Euromoney. Þetta er fjórða árið í röð sem bankinn hlýtur...Nánar
Netspjall