Íslandsbanki býður hagstæð framkvæmdalán til 1. janúar 2013

13.04.2012

Einstaklingar í viðskiptum við Íslandsbanka geta nú haldið áfram að sækja um hagstætt framkvæmdalán til endurbóta eða framkvæmda á fasteignum, lóðum og sumarhúsum til 1. janúar 2013.

Um er að ræða óverðtryggt skuldabréfalán með breytilegum kjörvöxtum skv. vaxtatöflu bankans hverju sinni. Lánin bera engin lántökugjöld og eru vaxtakjör í dag 6,25% miðað við vaxtatöflu bankans þann 13.04.2012. Lánstími lánanna er allt að 5 ár og hefur umsóknarfrestur verið framlengdur til 1. janúar 2013 eins og áður segir.

Hámarksfjárhæð hvers láns er 1,5 milljónir króna gegn veði en veitt eru lán án veðs allt að 750.000 kr. að undangengnu mati á greiðslugetu. Afgreiðsla framkvæmdaláns er gegn framvísun reikninga fyrir vöru- og þjónustukaupum sem tengjast framkvæmdum til 1. Janúar 2013.

Liður í þátttöku Íslandsbanka í hvatningarátakinu Allir vinna

Hagstæð framkvæmdalán eru liður í þátttöku Íslandsbanka í átakinu Allir vinna, en bankinn hefur tekið þátt í því átaki frá því að því var hleypt af stokkunum árið 2009. Allir vinna er hvatningarátak stjórnvalda og aðila úr atvinnulífinu sem miðar að því að hvetja einstaklinga til að leggja sitt af mörkum til sköpunar atvinnu á Íslandi. Þeir sem ráðast í framkvæmdir á heimilinu eða í sumarhúsinu eiga rétt á 100% endurgreiðslu á virðisaukaskatti af vinnulaunum en rétt er að taka fram að heimild til lækkunar tekjuskattsstofns hefur verið felld niður.

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall