Íslandsbanki lækkar verðtryggða húsnæðislánavexti

22.03.2012

Lækkunin tekur til nýrra verðtryggðra húsnæðislána með föstum vöxtum með vaxtaendurskoðunarákvæði á 5 ára fresti. Annars vegar lækka vextir verðtryggðra húsnæðislána sem takmarkast við 70% af fasteignamati og fyrsta veðrétt í 4,10% fasta vexti í 5 ár og hins vegar vextir verðtryggðra viðbótarlána sem takmarkast við 80% af markaðsverði í 4,95% fasta vexti í 5 ár. Góðar viðtökur á sértryggðum skuldabréfum sem Íslandsbanki hefur gefið út í kauphöll Íslands gera bankanum kleift að lækka vextina en þeir taka m.a. mið af þróun vaxta á skuldabréfamarkaði og þeim kjörum sem Íslandsbanki fær á sértryggð skuldabréf sem seld eru hverju sinni.

Íslandsbanki býður einnig upp á óverðtryggð húsnæðislán á 5,4% breytilegum vöxtum sem eru lægstu óverðtryggðu vextirnir á ársgrundvelli sem eru í boði á markaðnum í dag. Einnig eru í boði 6,20% fastir óverðtryggðir vextir fyrstu 3 ár lánstímans.

Lánstegund Vextir fyrir breytingu Vextir frá 21. mars 2012
Verðtryggð húsnæðislán, með 5 ára endurskoðun (<70%fmr) 5,60% 4,10%
Verðtryggð húsnæðislán, með 5 ára endurskoðun - viðbótarlán (<80% mv) 6,50% 4,95%
Breytilegir óverðtryggðir húsnæðislánavextir (<70% fmr)   5,40%
Breytilegir óverðtryggðir húsnæðislánavextir (<80% mv)   5,90%
Fastir óverðtryggðir húsnæðislánavextir í 3 ár (<70% fmr)   6,20%
Fastir óverðtryggðir húsnæðislánavextir í 3 ár - viðbótarlán (<80% mv)   7,10%

 

Jón Finnbogason, aðstoðarframkvæmdastjóri viðskiptabankasviðs:

„Það er mikilvægt að viðskiptavinir okkar hafi val þegar kemur að fjármögnun íbúðarhúsnæðis. Það er okkur því ánægjuefni að lækka verðtryggða húsnæðislánavexti. Val milli verðtryggðra og óverðtryggðra lána verður að taka mið af þolgæðum viðskiptavina gagnvart áhættu og væntingum um verðbólgu og vexti. Við hvetjum viðskiptavini okkar til að kynna sér vel kosti og galla beggja lánategunda svo þeir geti tekið upplýsta ákvörðun um hvora leiðina þeir velja.“

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall