Markaðurinn í kjölfar lagasetningar

13.03.2012

Afborganir og verðbætur af höfuðstól skuldabréfa verða ekki lengur undanþegnar gjaldeyrishöftum samkvæmt nýjum lögum. Auk þess er tekið á útgreiðslum þrotabúa gömlu bankanna.

Fyrir breytingarnar gátu útlendingar, í gegnum fjárfestingar í til dæmis HFF 14 og HFF 24 (verðtryggðum íbúðabréfum á lokagjalddaga 2014 og 2024) komið fjármunum úr landi. Verðlagning bréfanna endurspeglaði þennan möguleika. Nú þegar lokað hefur verið fyrir þessa glufu lækkar verðmæti bréfanna eðlilega í augum erlendra aðila.

Þeir fjármunir sem annars hefðu leitað úr landi verða hér áfram og verður væntanlega endurfjárfest á ríkisskuldabréfamarkaðnum, enda fáar aðrar fjárfestingar í boði. Þetta ætti að draga úr verðbólguvæntingum og virðist lagasetningin endurspegla nokkrar áhyggjur af veikingu krónunnar að undanförnu.

Við opnun markaða lækkaði verð HFF 14 mikið, eða um 14%. Bréfin eru að nær öllu leiti í eigu útlendinga og ætti lækkunin því ekki að hafa mikil áhrif á lífeyrissjóði og verðbréfasjóði hér á landi. Nú þegar lokað hefur verið fyrir þennan möguleika er ávöxtunarkrafa þess að undanförnu (-10%) óeðlilega lág og hefur réttilega hækkað mikið í dag.

Önnur skuldabréf hafa brugðist við eins og við mátti búast. Verðtryggð bréf lækka nokkuð í verði, sem og stutt óverðtryggð, á meðan löng óverðtryggð bréf hafa hækkað.

Nánari upplýsingar um ríkisskuldabréf veita ráðgjafar VÍB á Kirkjusandi í síma 440-4900.

 

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall