VÍB einn bakhjarla Listahátíðar árið 2012

12.03.2012 - Atburðir

Í vikunni var undirritaður samstarfssamningur VÍB, eignastýringarþjónustu Íslandsbanka, og Listahátíðar 2012 en VÍB mun vera einn bakhjarla hátíðarinnar. Þetta er í tuttugasta og sjötta sinn sem hátíðin er haldin. Fjöldi spennandi viðburða af ólíkum toga verða á dagskrá vítt og breytt um borgina. Að þessu sinni verður norræn samtímamyndlist áberandi á hátíðinni en einnig skipar tónlist veigamikinn sess. Fjölmargir tónleikar verða í boði, jafnt klassík, popp og heimstónlist og má þar nefna nöfn eins og píanistann Volodos, heimstónlistarkonuna Buiku og Yann Tiersen. Stór sviðsverk verða sýnd í Þjóðleikhúsinu og í Borgarleikhúsinu auk nýrra íslenskra leikverka sem verða sett upp á óvenjulegum stöðum í borginni. Heildardagskrá Listahátíðar verður kynnt 12. apríl næstkomandi. 

Stefán Sigurðsson, framkvæmdastjóri eignastýringar Íslandsbanka: 

„Það er ánægjulegt að fá tækifæri til þess að vera einn bakhjarla Listahátíðar.  VÍB er þekkt fyrir að leggja áherslu á fræðslu og faglega umræðu um viðskipti og efnahagsmál. Við látum okkur hins vegar menningu og samfélagsmál almennt varða en VÍB var til dæmis einn af aðalstyrktaraðilum þátttöku Íslands í Feneyjartvíæringnum árið 2011. Okkur finnst Listahátíð í Reykjavík vera mikilvægt framtak í íslensku menningarlífi og erum stolt að því að vera bakhjarlar.“

Guðrún Norðfjörð, framkvæmdastjóri Listahátíðar í Reykjavík: 

„Það er afar mikilvægt fyrir Listahátíð að fá VÍB inn sem samstarfsaðila en Listahátíð treystir mjög á framlög fyrirtækja. Við bjóðum VÍB velkomin í hóp okkar góðu samstarfsaðila. Með þeirra hjálp gerum við góða Listahátíð enn betri.“

Nánari upplýsingar um Listahátíð í Reykjavík á vef hátíðarinnar.

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall