Íslandsbanki gefur út nýja skýrslu um kanadíska sjávarútveginn

12.03.2012
  • Heildarútflutningsverðmæti sjávarafurða frá Kanada hefur aukist um 2 milljónir CAD frá árinu 2010-2011
  • Fiskverð til neytenda í Kanada hefur hækkað um 11,2% frá árinu 2006
  • Mikil aukning hefur verið í framleiðslu í fiskeldi og þá aðallega í laxeldi

Íslandsbanki gefur út nýja skýrslu um kanadíska sjávarútveginn á sjávarútvegssýningunni í Boston sem fer fram dagana 11.-13. mars. Að auki hefur Íslandsbanki, í samvinnu við Íslenska Sjávarklasann, nýlega gefið út skýrslu um þýðingu sjávarklasans í íslensku efnahagslífi og mun hún einnig vera til dreifingar á sýningunni.

Ný markaðsskýrsla Íslandsbanka um kanadíska sjávarútveginn

Í skýrslunni er farið yfir kanadíska sjávarútveginn, meðal annars inn- og útflutning, veiðar og neyslu ásamt greinargóðri umfjöllun um helstu nytjastofna. Skýrslan er unnin af sjávarútvegsteymi Íslandsbanka í samstarfi við Glacier Securities, dótturfyrirtæki Íslandsbanka sem meðal annars sérhæfir sig í ráðgjöf til fyrirtækja í sjávarútvegi. Glacier Securities er með skrifstofur í New York. Hjá Íslandsbanka starfar hópur sérfræðinga með mikla þekkingu á sjávarútvegi. Hópurinn er hluti af fyrirtækjasviði og er ábyrgur fyrir samskiptum og þjónustu við innlend og erlend sjávarútvegsfyrirtæki, ásamt útgáfu greiningarefnis um sjávarútveg víða um heim.

Kanada er í 22. sæti yfir mestu fiskveiðiþjóðir heims með árlegan afla upp á 1,1 milljón tonn. Heildarútflutningsverðmæti kanadískra sjávarafurða nam 4,1 milljörðum CAD árið 2011 sem er aukning frá árinu 2010 en þá nam útflutningsverðmætið 3,9 milljörðum CAD. Af því heildarmagni sem landað er í Kanada er 84% landað á austurströnd Kanada sem er um 82% af heildarverðmæti landaðs afla. Fiskverð til neytenda á kanadískum sjávarafurðum hefur hækkað um 11,2% frá árinu 2006. Mikil aukning hefur einnig verið í fiskeldi og þá aðallega í laxeldi og er Kanada í fjórða sæti heimslistans yfir þær þjóðir sem framleiða eldislax einungis Noregur, Chile og Bretland framleiða meira.

Sjávarútvegsupplýsingaveita Íslandsbanka

Íslandsbanki hefur síðan 2011 haldið úti upplýsingaveitu um alþjóðlegan sjávarútveg þar sem hægt er að fylgjast með sjávarútvegsmarkaðnum víðsvegar um heiminn en þó er lögð sérstök áhersla á Bandaríkin og Ísland. Á mælaborðinu má meðal annars finna upplýsingar um veiðar, neyslu og hlutabréfaverð sjávarútvegsfyrirtækja eftir löndum.

Sjávarútvegsmælaborð Íslandsbanka og skýrslurnar um íslenska sjávarklasann og sjávarútveginn í Kanada er hægt að nálgast á vef bankans, islandsbanki.is/seafood.

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall