Glacier Securities leiðir ráðgjöf í viðskiptum American Seafood

19.01.2012

Glacier Securities, dótturfélag Íslandsbanka í New York, leiddi ráðgjöf í kaupum American Seafood Group á Good Harbor Fillet LLC, framleiðanda á frosnum sjávarafurðum. American Seafood Group er leiðandi fyrirtæki á heimsvísu í nýtingu sjávarafurða, vinnslu á sjó og virðisaukandi framleiðslu á hágæða sjávarafurðum og eitt af stærstu fyrirtækjum Bandaríkjanna í þessum geira. Good Harbor Fillet mun verða sameinað dótturfyrirtæki American Seafood, American Pride Seafood sem sérhæfir sig í vinnslu sjávarafurða í landi.

Glacier Securities veitir ráðgjöf við kaup og sölu á fyrirtækjum á sviði jarðvarma og sjávarútvegs í Bandaríkjunum og byggir á þeirri sérþekkingu sem Íslandsbanki, og forverar hans, hafa þróað á undanförnum áratugum á sviði jarðvarma og sjávarútvegs. Félagið fékk starfsleyfi frá bandarískum yfirvöldum í mars á síðasta ári. Starfsleyfið hefur það í för með sér að það má starfrækja fjármálafyrirtæki í Bandaríkjunum á takmörkuðu sviði en starfsemi félagsins er undir ströngu eftirliti bandarískra eftirlitsaðila. Undanfarna mánuði hefur Glacier Securities einnig unnið með íslenskum fyrirtækjum sem starfa á þessum vettvangi í viðleitni þeirra til að afla sér verkefna á Bandaríkjamarkaði.

Ignacio J. Kleiman, forstjóri Glacier Securities

„Viðskiptin eru einn liður í að sameina hinn sundurleita en alþjóðlega sjávarútvegs geira sem gengur nú í gegnum mikið breytingartímabil sem einkennist af sameiningum félaga sem starfa innan hans. Glacier Securities hefur notið þeirra forréttinda að starfa með leiðandi aðilum á markaði, líkt og American Seafood, í átt að því markmiði að sameina geirann til að gera hann enn arðbærari."

Birna Einarsdóttir, bankastjóri Íslandsbanka

„Íslandsbanki hefur fulla trú á að hin íslenska sérþekking á sjávarútvegi og jarðvarma megi nýta til tekjusköpunar í auknum mæli. Ráðgjöf Glacier Securities í viðskiptum eins stærsta fyrirtækis Bandaríkjanna í sjávarútvegsgeiranum er góður vitnisburður um hversu eftirsótt sérþekking á þessum málum er."

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall