Staðgreiðsla af gengishagnaði innlánsreikninga í erlendri mynt

02.01.2012

Frá og með 1. janúar 2012 verður tekin staðgreiðsla fjármagnstekjuskatts af gengishagnaði innlánsreikninga í erlendri mynt með vísun í 2. grein laga nr. 128/2009 um staðgreiðslu skatts á fjármagnstekjur. Þetta á við um innlánsreikninga í eigu einstaklinga sem eru skattskyldir. Ekki verður tekinn staðgreiðsluskattur af reikningum í eigu lögaðila.

Útreikningur gengismunar miðast fyrst við innborganir gerðar frá og með 1. janúar 2010 eða stöðu reiknings þann dag. Gengishagnaður myndast þegar gengi úttektarfærslu er hærra en gengi innborgunarfærslu.

Við útborgun af innlánsreikningum í erlendri mynt á þessu ári getur myndast gengishagnaður sem er staðgreiðsluskyldur og myndast þá útborgunarfærsla samhliða færslunni vegna ofangreindar staðgreiðslu

Gengismunur reiknast af upphæð úttektar hverju sinni og er fundinn með því að miða fyrst við mismun á gengi hennar og gengi elstu innborgunar, síðan næstelstu innborgunar og svo koll af kolli þar til upphæð úttektarinnar er náð. Úttekt tekur þannig fyrst mið af elstu innborgun, síðan af þeirri næstelstu o.s.frv. Gengishagnaður einnar úttektar getur þannig miðast við fleiri en eina innborgun og fleiri en eitt gengi.

Gengistap verður þegar gengi úttektarfærslu er lægra en gengi innborgunarfærslu.

Gengistapi má jafna á móti gengishagnaði innan árs, en ekki má jafna það á milli ára. Gengistapi má ekki jafna á móti vöxtum til að lækka fjármagnstekjuskatt af vöxtum.

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall