Endurútreikningur erlendra húsnæðislána

30.12.2010

Nýlega voru samþykkt lög frá Alþingi Íslendinga er varða endurútreikning erlendra lána einstaklinga með veði í íbúðarhúsnæði. Einnig var undirritað samkomulag milli stjórnvalda og fjármálafyrirtækja um aðgerðir vegna skuldavanda heimilanna. Innan Íslandsbanka er allt kapp lagt á að þessar aðgerðir komi til framkvæmda eins fljótt og auðið er. Hér að neðan eru nánari upplýsingar um hvora aðgerð fyrir sig.

Í samræmi við nýsett lög frá Alþingi mun Íslandsbanki endurútreikna húsnæðislán í erlendri mynt auk annarra erlendra lána með veði í eigin íbúðarhúsnæði. Lánin verða endurreiknuð miðað við lægstu óverðtryggðu vexti Seðlabanka Íslands samkvæmt ákvæðum í frumvarpinu og verður þeim breytt í lán í íslenskum krónum. Viðskiptavinir munu fá bréf um framkvæmd endurútreikningana í byrjun nýs árs. Útreikningar verða aðgengilegir í Netbanka Íslandsbanka þegar þeir liggja fyrir, en stefnt er að því að endurútreikningur fyrstu lánanna verði birtur þann 15. febrúar næstkomandi.

Samkvæmt bráðabirgðaútreikningum Íslandsbanka lækkar höfuðstóll erlendra húsnæðislána allt að 40% við endurútreikning en lækkun höfuðstóls hvers láns veltur á myntsamsetningu þess, hvenær lánið var tekið og hversu mikið hefur verið greitt af því yfir lánstímann.

Þar til endurútreikningar fara fram stendur viðskiptavinum áfram til boða að greiða mánaðarlega fasta krónutölu, kr. 5000, af hverri upphaflegri milljón lánsins.

Nýlega var undirrituð viljayfirlýsingu ríkisstjórnar, fjármálafyrirtækja, Íbúðalánasjóðs og lífeyrissjóða um aðgerðir vegna skuldavanda heimilanna. Í yfirlýsingunni eru tekin til þau úrræði sem standa lántakendum til boða. Yfirveðsett heimili munu skv. samkomulaginu geta fengið skuldir lagaðar að 110% að verðmæti fasteignar. Verið er að skilgreina þá hópa viðskiptavina sem falla undir þetta úrræði og unnið er að nánari útfærslu á úrræðinu í samstarfi við aðila samkomulagsins.

Þá er unnið að því að aðlaga sértæka skuldaaðlögun bankans að því sem kemur fram í ofangreindri viljayfirlýsingu. Stefnt er að því að hringja í alla þá sem falla munu undir skilyrði sértækrar skuldaaðlögunar á nýju ári og að því verði lokið fyrir 1. maí 2011 eins og kveðið er á um í samkomulaginu.

 

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall