Eignastýring Íslandsbanka í samstarf við DnB NOR Asset Management

01.12.2010

Eignastýring Íslandsbanka hefur gert samstarfssamning við DnB NOR Asset Management en fyrirtækið er dótturfyrirtæki norska bankans DnB NOR. Samstarfið nær til dreifingar á sjóðum og þjónustu til allra viðskiptavina, þ.e. fagfjárfesta, einstaklinga og fyrirtækja.

DnB NOR Asset Management er traust og íhaldssamt eignastýringarfyrirtæki með um 60 milljarða evra í stýringu. DnB NOR, sem er stærsti banki Noregs og sá annar stærsti á Norðurlöndum, er að þriðjungi í eigu norska ríkisins, með 260 milljarða evra efnahagsreikning.

Eignastýring Íslandsbanka hefur leitað samstarfsaðila á Norðurlöndunum síðast liðið ár til þess að byggja upp erlent vöruframboð sitt og var DnB NOR efst á lista varðandi ákjósanlega samstarfsaðila. Samstarfið er hugsað til langs tíma enda takmarka gjaldeyrishöft nýfjárfestingar erlendis um þessar mundir. Þrátt fyrir höftin geta sparifjáreigendur og fagfjárfestar sem eiga erlendar eignir nýtt sér sjóði og þjónustu DnB NOR Asset Managment í gegnum Íslandsbanka þar sem þeir hafa rétt til endurfjárfestingar.

Eignastýring Íslandsbanka hefur undanfarin 12 ár átt í farsælu og góðu samstarfi við bandaríska eignastýringarfyrirtækið The Vanguard Group sem er annað stærsta eignastýringarfyrirtæki heims. Sjóðir og þjónusta DNB NOR Asset Management er afar góð viðbót við vöruframboð Íslandsbanka á sviði erlendra verðbréfa og þjónustu við erlend eignasöfn.

„Við höfum fylgst vel með íslenska markaðnum á síðustu árum og við teljum að með samstarfinu nú höfum við fundið ákjósanlegan eignastýringaraðila á markaðnum til þess að byggja upp árangursríkt samstarf til langs tíma. Við teljum að þær vörur sem við bjóðum muni henta þörfum íslenskra fjárfesta og sparifjáreigenda. Samstarfið við Íslandsbanka er mikilvægt skref í áætlunum okkar um vöxt alþjóðlega."

„Við erum mjög ánægð og stolt af þessu samstarfi við DnB NOR Asset Managment og lítum á það sem mikilvægt skref í uppbyggingu Eignastýringar Íslandsbanka. Við teljum að íslenskir sparifjáreigendur og fjárfestar vilji áhættudreifa eignum sínum utan Íslands í meira mæli en áður hefur tíðkast eftir að gjaldeyrishöftum verður aflétt og í því samhengi verður Norræni markaðurinn án efa mikilvægur. Okkar markmið var að finna og gera samstarfssamning við besta eignastýringaraðilann á Norðurlöndunum og þar kom DnB NOR Asset Management aftur og aftur upp á okkar greiningarlistum, enda margverðlaunaður eignastýringaraðili".

 

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall