Afkoma Íslandsbanka fyrstu þrjá ársfjórðunga ársins 2010

01.12.2010 - Uppgjör

Afkoma Íslandsbanka fyrstu þrjá ársfjórðungana 2010 var samkvæmt óendurskoðuðum árshlutareikningi jákvæð um 13,2 milljarða króna og er tekjuskattur tímabilsins áætlaður 3,9 milljarðar króna. Eiginfjárhlutfall bankans var 22,6% sem er talsvert hærra en það 16% lágmark sem FME hefur sett bankanum. Arðsemi eigin fjár var 17,6%.

Helstu niðurstöður

  • Rekstrarniðurstaða var jákvæð um 13,2 ma. kr. eftir skatta og er tekjuskattur áætlaður 3,9 ma. kr.
  • Hreinar vaxtatekjur námu 30,3 ma. kr.
  • Hreinar þóknanatekjur námu 5,2ma. kr.
  • Meðal stöðugildi samstæðunnar á tímabilinu voru 1.065.
  • Heildarstærð efnahagsreiknings þann 30.09.10 var 714,8 ma.kr.
  • Heildarútlán til viðskiptavina og fjármálafyrirtækja námu um 563,7 ma. kr. og innlán námu um 459,2 ma. kr. í lok tímabilsins.
  • Eigið fé í lok tímabilsins nam 105,2 ma. kr.
  • Eiginfjárhlutfall (CAD) við lok tímabilsins var 22,6%.
  • Vaxtamunur af meðalstöðu heildareigna var 5,7%.
  • Hlutfall heildarinnlána af heildarútlánum var 81,5% í lok tímabilsins.
  • Arðsemi eigin fjár fyrir tímabilið var 17,6% á ársgrundvelli.

Birna Einarsdóttir, bankastjóri Íslandsbanka

„Rekstur bankans á þriðja ársfjórðungi var í samræmi við áætlanir. Við gerum ráð fyrir að rekstrarumhverfi bankans muni áfram einkennast af töluverðri óvissu. Íslandsbanki er hinsvegar vel í stakk búinn til þess að takast á við þá óvissu þar sem eiginfjárstaða bankans er sterk. Eiginfjárhlutfall bankans er 22,6% sem er vel fyrir ofan 16% lágmark Fjármálaeftirlitsins.

Vinna að lausnum á skuldavanda einstaklinga og fyrirtækja hefur verið í forgrunni á þessu ári auk þess sem við höfum á síðustu mánuðum unnið að endurreikningi á bílalánum fyrir um 5000 viðskiptavini.

Þá hefur Íslandsbanki ákveðið að bjóða viðskiptavinum sínum sem skulda húnæðislán í erlendum gjaldmiðlum að endurreikna þau í samræmi við ákvæði frumvarps til breytinga á vaxtalögum sem viðskiptaráðherra hefur lagt fyrir Alþingi enda þótt enn ríki óvissa um lögmæti erlendra húsnæðislána bankans og nýlegir héraðsdómar renni stoðum undir lögmæti samninganna.  Þessi vinna er þegar hafin og gerum við ráð fyrir að henni ljúki á fyrstu mánuðum nýs árs."

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall