Eignarhlutur Íslandsbanka í Sjóklæðagerðinni hf. í opið söluferli

29.10.2010

Fyrirtækjaráðgjöf Íslandsbanka hf. hefur verið falið að annast formlegt og opið söluferli sem lýtur að mögulegri sölu á þriðjungshlut Íslandsbanka í Sjóklæðagerðinni hf., en fyrirtækið er að meirihluta í eigu EGUS Inc. Söluferlið hefst formlega mánudaginn 1. nóvember kl. 12.00 með birtingu upplýsinga á vef Íslandsbanka á slóðinni www.islandsbanki.is/66north2010.

Söluferlið verður opið öllum áhugasömum fjárfestum sem teljast fagfjárfestar samkvæmt lögum nr. 108/2007 um verðbréfaviðskipti eða búa yfir fullnægjandi þekkingu og reynslu, og geta sýnt fram á eiginfjárstöðu umfram 300 milljónir króna.

Seljandi áskilur sér þó rétt til þess að takmarka aðgang að söluferlinu vegna samkeppnissjónarmiða eða í þeim tilvikum þegar fyrir hendi eru lagalegar takmarkanir á því að fjárfestir kaupi verulegan eignarhlut í félaginu.

Áhugasömum fjárfestum er bent á að fylla út trúnaðaryfirlýsingu sem hægt er að nálgast á heimasíðu Íslandsbanka (www.islandsbanki.is/66north2010) og skila henni til Fyrirtækjaráðgjafar Íslandsbanka. Sölugögn verða afhent á tímabilinu 3.-12. nóvember með rafrænum hætti á netfang sem fjárfestar tilgreina í trúnaðaryfirlýsingu. Síðasti frestur til að skila inn trúnaðaryfirlýsingu vegna þátttöku í söluferlinu er föstudagurinn 12. nóvember kl. 14.00.

Óskuldbindandi tilboðum skal skilað til Íslandsbanka, Kirkjusandi, 155 Reykjavík, mánudaginn 15. nóvember 2010, fyrir kl. 14:00, í lokuðu umslagi merkt „Fyrirtækjaráðgjöf/66north2010". Þeim fjárfestum sem leggja fram hæstu tilboðin verður boðið til áframhaldandi þátttöku í söluferlinu. Þá fá fjárfestar aðgang að nánari upplýsingum um starfsemi og fjárhag fyrirtækisins ásamt áreiðanleikakönnunum sem unnar voru af óháðum sérfræðingum. Íslandsbanki áskilur sér rétt til þess að hafna öllum tilboðum, ef ekkert ásættanlegt tilboð berst.

Endanlegum tilboðum ber að skila í síðasta lagi þriðjudaginn 7. desember, fyrir kl. 14.00, með sama hætti og að framan greinir.

Tilboð verða opnuð í viðurvist óháðs aðila.

Allar nánari upplýsingar er að finna á vef Íslandsbanka undir slóðinni www.islandsbanki.is/66north2010.

Nýjustu fréttir

Eignarhlutur í Borgun í formlegt söluferli

11.01.2019
Stjórn Íslandsbanka hefur tekið ákvörðun um að setja eignarhlut bankans í Borgun í formlegt söluferli.Nánar

Nýjar reglur um verðtryggingu sparifjár og lánsfjár

07.01.2019
Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi. Nánar

Afgreiðslutími yfir jól og áramót

20.12.2018
Útibú Íslandsbanka verða lokuð á aðfangadag,jóladag, annan í jólum og nýársdag.Nánar

Breytingar á verðskrá Íslandsbanka

17.12.2018
Breytingar á verðskrá Íslandsbanka taka gildi þann 17.desember 2018.Nánar

Breyting á Heiðursmerki

11.12.2018
Í febrúar munu vaxtakjör Heiðursmerkis breytast.Nánar

Íslandssjóðir fjárfesta í grænum skuldabréfum Reykjavíkurborgar

07.12.2018
Reykjavíkurborg hefur gefið út grænt skuldabréf til 30 ára fyrir 4,1 milljarð að nafnverði og þannig tekið mikilvægt skref í uppbyggingu markaðar með...Nánar

Ný skýrsla Íslandsbanka um íslenskan sjávarútveg

04.12.2018
Ísland situr í 17. sæti meðal stærstu fiskveiðiþjóða heims með um 1,3% hlutdeild og er reiknað með 15% aukningu útflutningsverðmætis árið 2018 og...Nánar
Netspjall