Íslandsbanki besti bankinn að mati Euromoney

07.07.2016

Íslandsbanki hefur verið valinn besti bankinn á Íslandi af alþjóðlega fjármálatímaritinu Euromoney. Þetta er fjórða árið í röð sem bankinn hlýtur viðurkenninguna.

Í niðurstöðu dómnefndar var horft til góðs árangurs í rekstri bankans og stefnu hans almennt. Þá var einnig litið til framtíðarsýnar Íslandsbanka um að veita bestu bankaþjónustu á Íslandi og árangurs í nýsköpun með það að markmiði að einfalda bankaviðskipti. Ánægja viðskiptavina Íslandsbanka hefur mælst mikil og hefur bankinn hlotið hæstu einkunn banka í Íslensku ánægjuvoginni undanfarin þrjú ár.

Euromoney útnefnir árlega bestu bankana í tæplega 100 löndum og veitir þeim viðurkenninguna Awards for Excellence.

Íslandsbanki kynnti framtíðarsýn bankans um að veita bestu bankaþjónustu á Íslandi fyrir viðskiptavinum sínum á síðasta ári. Fjölmargar nýjungar hafa verið kynntar til að einfalda bankaviðskiptin. Má þar nefna Kass, nýtt greiðslumiðlunarapp, sem hefur fengið góðar móttökur og rafrænt greiðslumat vegna húsnæðislána sem sparar viðskiptavinum sporin í bankann. Samhliða þessari stafrænu vegferð hefur bankinn fellt niður lántökugjöld hjá fyrstu kaupendum fasteigna og vill þannig koma til móts við þann hóp sem fer sífellt stækkandi.

Viðskiptavinir Íslandsbanka nýta sér app bankans í auknum mæli og eru virkir notendur nú um 50.000 talsins.

Hagnaður bankans árið 2015 nam 20,6 milljörðum krónum og var arðsemi eigin fjár 10,8%. Vel hefur gengið að einfalda í rekstri en í lok árs 2016 verða útibú bankans 14 talsins. Bankinn hefur verið virkur í skuldabréfaútgáfu í erlendri mynt og hefur lánshæfismat bankans verið sett á jákvæðar horfur frá Standard & Poor´s.

Birna Einarsdóttir, bankastjóri Íslandsbanka:
„Það er okkur mikill heiður að fá viðurkenningu frá Euromoney. Starfsfólk Íslandsbanka vinnur eftir þeirri sýn að veita bestu bankaþjónustu á Íslandi. Ég er því afar stolt af árangrinum sem við höfum náð á undanförnum árum. Við erum að fara í gegnum tímabil breytinga í bankaþjónustu þar sem viðskiptavinir vilja fá sérfræðiþekkingu en jafnframt eiga flest sín viðskipti í gegnum tölvu og síma. Við vinnum því hörðum höndum að því að koma til móts við nýjar og breyttar kröfur viðskiptavina og veita þeim þá þjónustu sem þeir þurfa. Ég er afar stolt af árangrinum sem við höfum náð á undanförnum árum og við lítum björtum augum á þá spennandi tíma sem framundan eru.”

Nýjustu fréttir

Islandsbanki hf.: Útboð á sértryggðum skuldabréfum 18. desember

14.12.2018 - Kauphöll
Íslandsbanki hf. verður með útboð á sértryggðum skuldabréfum þriðjudaginn 18. desember 2018.Nánar

Islandsbanki hf.: Niðurstaða víxlaútboðs

04.12.2018 - Kauphöll

Íslandsbanki hf. lauk í dag útboði á víxlum til sex mánaða.

Seldir voru víxlar...Nánar

Islandsbanki hf.: Útboð á víxlum 4. desember

30.11.2018 - Kauphöll
Íslandsbanki hf. verður með víxlaútboð þriðjudaginn 4. desember 2018.Nánar

Islandsbanki hf.: Fjárhagsdagatal 2019

28.11.2018 - Kauphöll
Stefnt er að birtingu árshluta- og ársuppgjörs á neðangreindum dagsetningum.Nánar

Islandsbanki hf.: Fitch staðfestir lánshæfismat Íslandsbanka í BBB með stöðugum horfum

26.11.2018 - Kauphöll
Alþjóðlega lánshæfismatsfyrirtækið Fitch Ratings hefur í dag staðfest lánshæfismat Íslandsbanka í BBB/F3 með stöðugum horfum.Nánar

Islandsbanki hf.: Niðurstaða útboðs sértryggðra skuldabréfa

20.11.2018 - Kauphöll
Íslandsbanki hf. lauk í dag útboði á sértryggðum skuldabréfum.Nánar

Islandsbanki hf.: Útboð á sértryggðum skuldabréfum 20. nóvember

19.11.2018 - Kauphöll
Íslandsbanki hf. verður með útboð á sértryggðum skuldabréfum þriðjudaginn 20. nóvember 2018.Nánar
Fannst þér efnið á síðunni hjálplegt?
Afhverju ekki?
Hætta við

Ábending þín er notuð til að bæta gæði þjónustu og upplýsinga á vef Íslandsbanka. Vantar þig aðstoð sem krefst þess að við svörum þér má hafa samband við Þjónustuver Íslandsbanka.

Netspjall