Fyrsta erlenda skuldabréfaútgáfa Íslandsbanka

06.12.2013

Íslandsbanki hefur lokið sínu fyrsta erlenda skuldabréfaútboði að upphæð 500 m. sænskra króna eða sem nemur 9,1 ma. íslenskra króna. Skuldabréfin bera 400 punkta ofan á sænska millibankavexti (Stibor) og eru til 4 ára. Alls tóku yfir 40 fjárfestar frá Svíþjóð, Noregi og Finnlandi þátt í útboðinu en umframeftirspurn var eftir bréfunum. Stefnt er að skráningu skuldabréfanna í Kauphöllina á Írlandi þann 16. desember.

Útgáfan er gefin út undir Global Medium Term Notes (GMTN) útgáfuramma bankans sem tilkynnt var um í júlí en hann gefur Íslandsbanka færi á að gefa út jafnvirði 250 m. Bandaríkjadala í mismunandi myntum á föstum og fljótandi vöxtum.

Umsjónaraðili útboðsins var Pareto Securities AB í Stokkhólmi.

Birna Einarsdóttir, bankastjóri Íslandsbanka:

„Erlend skuldabréfaútgáfa er skynsamlegt næsta skref fyrir Íslandsbanka og framtíðarrekstur hans, en við höfum lagt mikla áherslu á að fjölga stoðum í fjármögnun bankans með góðum árangri. Grunnrekstur bankans er stöðugur, endurskipulagning gengur vel og eiginfjár- og lausafjárhlutföll afar sterk. Áhugi erlendra fjárfesta er því mikil traustyfirlýsing á því uppbyggingarstarfi sem unnið hefur verið í bankanum undanfarin misseri og sýnir trú á íslensku efnahagslífi.

Aðgengi að erlendum fjármagnsmörkuðum og aukið sjálfstæði í fjármögnun tryggir bankanum samkeppnisforskot til lengri tíma. Fyrst og fremst erum við betur í stakk búin til að styðja við viðskiptavini okkar sem stunda alþjóðleg viðskipti og þarfnast fjármögnunar í erlendri mynt. Þannig uppfyllum við best hlutverk bankans, að veita fjármagni til fjárfestinga og uppbyggingar í íslensku atvinnulífi. Í annan stað veitir aukið sjálfstæði í fjármögnun bankanum tækifæri til að greiða upp lán og samninga sem gerðir voru við stofnun hans. Þetta er okkur sérlega mikilvægt skref.

Íslandsbanki hefur fest sig í sessi sem stærsti útgefandi sértryggðra skuldabréfa á Íslandi, og hefur alls gefið út 22 ma. kr. frá því bankinn, fyrstur fjármálafyrirtækja eftir hrun, gaf út skráð verðbréf í desember 2011. Íslandsbanki var einnig fyrstur til að skrá víxla í kauphöll Íslands í febrúar 2013 og hefur gefið út 9 ma. kr. það sem af er ári.“

Nýjustu fréttir

Islandsbanki hf.: Niðurstaða útboðs sértryggðra skuldabréfa

13.09.2018 - Kauphöll
Íslandsbanki hf. lauk í dag útboði á sértryggðum skuldabréfum.Nánar

Islandsbanki hf.: Útboð á sértryggðum skuldabréfum 13. september

10.09.2018 - Kauphöll
Íslandsbanki hf. verður með útboð á sértryggðum skuldabréfum fimmtudaginn 13. september 2018.Nánar

Islandsbanki hf.: Niðurstaða víxlaútboðs

04.09.2018 - Kauphöll
Íslandsbanki hf. lauk í dag útboði á víxlum til sex og níu mánaða.Nánar

Islandsbanki hf.: Útboð á víxlum 4. september

03.09.2018 - Kauphöll
Íslandsbanki hf. verður með víxlaútboð þriðjudaginn 4. september 2018.Nánar

Islandsbanki hf.: Íslandsbanki gefur út víkjandi skuldabréf að fjárhæð 500 milljónir sænskra króna til 10 ára

24.08.2018 - Kauphöll
Íslandsbanki hefur í dag gefið út skuldabréf að fjárhæð 500 milljónir sænskra króna til 10 ára með innköllunarheimild af hálfu útgefanda eftir 5 ár...Nánar

Islandsbanki hf.: Íslandsbanki bætir 100 milljónum sænskra króna við áður útgefið skuldabréf upp á 200 milljónir sænskra króna

21.08.2018 - Kauphöll
Íslandsbanki hefur í dag aukið 100 milljónum sænskra króna við neðangreint skuldabréf undir Global Medium Term Notes (GMTN) útgáfuramma sínum með...Nánar

Islandsbanki hf.: Íslandsbanki gefur út skuldabréf fyrir 250 milljónir sænskra króna og 200 milljónir sænskra króna

20.08.2018 - Kauphöll
Íslandsbanki hefur í dag gefið út tvö skuldabréf undir Global Medium Term Notes (GMTN) útgáfuramma sínum með neðangreindum skilmálum:Nánar
Fannst þér efnið á síðunni hjálplegt?
Afhverju ekki?
Hætta við

Ábending þín er notuð til að bæta gæði þjónustu og upplýsinga á vef Íslandsbanka. Vantar þig aðstoð sem krefst þess að við svörum þér má hafa samband við Þjónustuver Íslandsbanka.

Netspjall