Íslandsbanki veitir fjárfestum aðgang að mörkuðum með hluta- og skuldabréf ásamt þjónustu við gjaldeyrisviðskipti og býður ýmsar lausnir til þess að draga úr áhættu í rekstri. Einnig aðstoðar Íslandsbanki fyrirtæki og einstaklinga við kaup og sölu á fyrirtækjum, hlutafjáraukningar, yfirtökur og samruna og aðrar eignarhaldstengdar breytingar
Fyrirtækjaráðgjöf okkar hefur áralanga reynslu af umsjón með kaupum, sölu, yfirtöku og samruna fyrirtækja. Þá bjóðum við fyrirtækjum, sveitarfélögum og stofnunum alhliða ráðgjöf og þjónustu við framkvæmd almennra útboða á verðbréfum og töku þeirra til viðskipta á skipulegum verðbréfamarkaði.
Gjaldeyrismiðlun veitir þjónustu sem lýtur að kaupum og sölu á gjaldeyri. Meðal viðskiptavina Gjaldeyrismiðlunar eru stór og meðalstór fyrirtæki sem stunda inn- og útflutningsstarfsemi, auk fyrirtækja sem vilja stýra vaxta- og gjaldeyrisáhættu.
Verðbréfamiðlun Íslandsbanka er ein öflugasta miðlun landsins. Hún veitir fagfjárfestum aðgang að mörkuðum með hluta- og skuldabréf auk viðskipta með afleiður á verðbréfum.
Fjárfestar eru eindregið hvattir til að kynna sér vel upplýsingar og reglur Íslandsbanka tengdar viðskiptum með fjármálagerninga
