Question 1

Ber lántaki einhvern kostnað af ríkisábyrgðinni?

Accepted Answer

Já, Íslandsbanki þarf að standa ríkissjóði skil á áhættuálagi vegna þess hluta höfuðstóls hvers viðbótarláns sem nýtur ábyrgðar. Álagið reiknast á ársgrunni og er 0,1% hjá litlum og meðalstórum fyrirtækjum og 0,3% hjá stórum fyrirtækjum.

Question 2

Er einhver takmörkun á ráðstöfun lánsins?

Accepted Answer

Viðbótarlánið skal nota til að greiða almennan rekstrarkostnað og óheimilt er að nota það í annað svo sem endurfjármögnun eldri lána.

Question 3

Eru einhver takmörk á fjárhæð ríkisábyrgðar?

Accepted Answer

Heildarrammi ríkisábyrgðar undir þessu úrræði er 50 milljarðar króna. Ábyrgð ríkissjóðs gagnvart Íslandsbanka getur að hámarki numið 16 milljarðar króna. Heildarlánveiting Íslandsbanka undir þessu úrræði getur því að hámarki numið tæpum 23 milljörðum króna. Lán til einstaks fyrirtækis getur að hámarki numið tvöföldum árslaunakostnaði árið 2019, þó að hámarki 1.200 milljónir króna. Ríkisábyrgð er að hámarki 70% af höfuðstól viðbótarláns á hverjum tíma, fyrir utan vexti og kostnað. Hámarksábyrgð ríkisins á einstöku láni er 840 milljónir króna.

Question 4

Hvað er þetta úrræði lengi í boði?

Accepted Answer

Viðbótarlán með ríkisábyrgð þarf að veita á árinu 2020.

Question 5

Hvaða kjör eru á láninu?

Accepted Answer

Lánakjörin eru ákvörðuð í hverju tilfelli fyrir sig en skv. samningi við Seðlabankann skulu þau bera með sér að 70% af fjárhæð höfuðstólsins njóti ríkisábyrgðar.

Question 6

Hvaða skilyrði setja stjórnvöld fyrir veitingu ábyrgðar?

Accepted Answer

Um sé að ræða fyrirtæki, þ.e. lögaðila og eftir atvikum menn sem stunda atvinnurekstur eða sjálfstæða starfsemi. Launakostnaður fyrirtækis verður að lágmarki að hafa verið 25% af heildarrekstrarkostnaði árið 2019. Tekjutap þarf að hafa verið verulegt og ófyrirséð, að lágmarki 40%,og unnt að rekja beint eða óbeint til áhrifa af heimsfaraldurs kórónuveiru. Lánastofnun hafi gripið til allra þeirra úrræða sem hún gripi til undir venjulegum kringumstæðum til að leysa lausafjárvanda fyrirtækis. Viðbótarlánveiting þarf að vera mikilvæg forsenda þess að fyrirtækið geti viðhaldið rekstrarhæfi sínu þrátt fyrir tímabundið tekjutap. Lánastofnun telji líklegt að fyrirtæki geti orðið rekstrarhæft þegar dregur úr áhrifum heimsfaraldurs kórónuveiru. Takmarkanir á arðgreiðslum o.fl. frá 1.mars 2020 og út þann tíma sem ríkisábyrgð er í gildi. Auk ofangreindra skilyrða gilda ákvæði viðauka I um fyrirtæki í erfiðleikum í skilningi EES-réttar við mat á rekstrarhæfi. Nánari útlistun á skilyrðum er að finna í samningi milli fjármála- og efnahagsráðuneytisins og Seðlabanka Íslands sem finna má hér

Question 7

Hver er lánstíminn?

Accepted Answer

Viðbótarlán með ríkisábyrgð þarf að veita á árinu 2020. Ábyrgð ríkissjóðs gildir í 30 mánuði frá veitingu lánsins .

Question 8

Verður listi yfir lántaka birtur opinberlega?

Accepted Answer

Fjármála- og efnahagsráðuneytið mun, á grundvelli upplýsinga sem Seðlabankinn móttekur frá lánastofnunum, birta opinberlega upplýsingar um lántaka sem njóta ábyrgðar, innan 12 mánaða frá því lán með ábyrgð er veitt.

Viðbótarlán

Spurt og svarað