Snerti­lausar greiðslur

Með snertilausri virkni geta korthafar greitt fyrir vöru og þjónustu með því að bera kortið eða símann upp að kortalesaranum, án snertingar og PIN númers.


Hægt er að greiða snertilaust hjá þeim söluaðilum sem hafa búnað til þess að taka á móti snertilausum greiðslum. Afgreiðslutæki sem geta tekið á móti snertilausum greiðslum eru auðkennd með merki.

Snertilausar greiðslur hafa verið að ryðja sér til rúms erlendis á undanförnum árum og hefur öryggi þeirra verið margprófað.

Virkjun snertilausrar virkni á korti

Til þess að virkja snertilausa virkni þarf að nota kortið í afgreiðslutæki hjá söluaðila með því að staðfesta PIN númer með örgjörvalesningu. Snertilausi valmöguleikinn á kortinu er þá orðinn virkur.

Kostir

  • Snertilausar greiðslur flýta fyrir viðskiptum fyrir smáar upphæðir en eru háðar takmörkunum af öryggisástæðum
  • Hver snertilaus greiðsla getur að hámarki verið 5.000 kr.
  • Samanlögð upphæð snertilausra greiðslna getur ekki verið hærri en 10.000 kr. á milli þess sem kortið er notað á hefðbundin hátt og greiðsla er staðfest með PIN númeri
  • Þegar hámarksupphæð snertilausra greiðslna er náð þarf að staðfesta greiðslu með PIN númeri til þess að hægt sé að hefja snertilausar greiðslur á ný

Virkjun snertilausrar virkni í síma

Til þess að greiða með síma í posa er farið inn í Kortaappið frá Íslandsbanka. Það kort sem virkja á snertilaust er valið og virkjað í appinu. Snertilausi valmöguleikinn í símanum er þá orðinn virkur.

Kostir

  • Snertilausar greiðslur flýta fyrir viðskiptum
  • Heimild kortsins eru hámarksviðmið á viðskiptum með síma í posa
  • Símtæki þarf að vera með öryggislæsingu (PIN númeri, fingrafari eða mynstri) svo að snertilaus virkni sé möguleg
  • Greiðsla með snertilausri virkni síma í posa er staðfest með því að aflæsa símtæki innan ákveðinna tímamarka
  • Í einhverjum tilfellum þarf að endurstaðfesta öryggislæsingu símans. Skilaboð þess efnis birtast á posa þegar það þarf