Greiðslufrestur


Frestun greiðslna tekur mið af Samkomulagi um tímabundna frestun greiðslna vegna heimsfaraldurs COVID-19 sem aðilar á lánamarkaði hafa gert með sér. Frestaðar greiðslur leggjast við höfuðstól og lengist samningstími/lánstími sem nemur fjölda frestaðra afborgana.

Meðal skilyrða fyrir frestuninni er að fyrirtæki hafi verið í heilbrigðum rekstri áður en áhrifa veirunnar fór að gæta og þau hafi ekki verið í vanskilum við bankann lengur en í 60 daga í lok febrúar s.l.

Í ofangreindu samkomulagi, sem nær til rekstrarfyrirtækja sem selja vöru og þjónustu, er sett það skilyrði að fyrirtæki hafi nýtt sér viðeigandi úrræði stjórnvalda vegna heimsfaraldursins.

Til að óska eftir tímabundinni frestun greiðslna þarf forsvarsmaður fyrirtækis að fylla út umsókn (pdf) og senda hana undirritaða í tölvupósti, á sinn tengilið eða viðskiptastjóra í bankanum. Einnig má senda umsóknina í tölvupósti á fyrirtaeki@islandsbanki.is eða senda hana sem viðhengi í forminu hér neðar á síðunni.

Spurt og svarað um frestun afborgana og vaxta