UN Kvikmyndasýningar

Íslandsbanki og UNRIC, Upplýsingaskrifstofa Sameinuðu þjóðanna í Brussel, Festa og Félag Sameinuðu þjóðanna standa í sameiningu að sýningu tveggja mynda og umræðum á eftir sem fjalla hver með sínum hætti um málefni sem rúmast innan Heimsmarkmiðanna um sjálfbæra þróun. Sýningarnar eru allar í Bíó paradís við Hverfisgötu. Stóra súkkulaðimálið beinir sjónum að heimsmarkmiði #12 um ábyrga neyslu og framleiðslu og Stærsta litla býlið er sannkallaður óður til sjálfbærs búskapar og tengist til dæmis heimsmarkmiðum #12 og #15 – Líf á landi.


Stærsta litla býlið (The Biggest Little farm)

Bandaríska myndin Stærsta litla býlið (The Biggest Little farm) segir sögu John og Moly Chester en þau ákváðu að snúa baki við borgarlífi og hefja sjálfbæran búskap. En það reyndist hægara sagt en gert að lifa í samræmi við hugsjónir og í sátt og samlyndi við náttúruna og hverri ákvörðun fylgdi ný áskorun. Í Stærsta litla býlinu er brugðið upp nærmynd af lífkeðjunni og hún sýnd í nýju ljósi og spillir ekki fyrir frábær myndataka. Hani, hundur og svín verða vinir áhorfandans sem nagar á sér neglurnar þegar refir sitja um búið og kindurnar eru í hættu. 

Eftir sýningu verða umræður þar sem taka þátt:

  • Auður Önnu Magnúsdóttir, framkvæmdastjóri Landverndar
  • Kristján Oddsson, sjálfbær bóndi 
  • Steinunn Ólína Þorsteinsdóttir hjá Sprettu
  • Rakel Garðarsdóttir hjá Verandi

Myndin er sýnd miðvikudaginn 23. september kl. 20:00 í Bíó Paradís og aðgangur er ókeypis og öllum opinn.

Vefsíða myndarinnar


Stóra súkkulaðimálið (The Chocolate Case)

Sýningin er sýnd í samstarfi við Festu, miðstöð um samfélagsábyrgð og sjálfbærni.

Stóra súkkulaðimálið segir söguna af því hvernig spaug hollenskra sjónvarpsmanna vatt upp á sig og endaði með því að þeir byrjuðu að framleiða súkkulaði.

Þeir sögðu barnaþrælkun sem oft viðgengst í súkkulaðibransanum stríð á hendur – og reyndu að stuðla að betri heimi, (súkkalaði)bita fyrir bita.

Myndin er sýnd miðvikudaginn 13. október kl. 20:00 í Bíó Paradís og aðgangur er ókeypis og öllum opinn.

Eftir sýningu verða umræður þar sem taka þátt:

  • Hrund Gunnsteinsdóttir framkvæmdastjóri Festa.
  • Kjartan Gíslason, einn eigenda Omnom og súkkulaðigerðarmaður
  • Ragna Sara Jónsdóttir stofnandi Fólk
  • Ynzo van Zanten fulltrúi Tony's Chocolonely

Vefsíða myndarinnar

Stikla úr Stóra súkkulaðimálið (The Chocolate Case)


Stikla úr mynd