Seðlabanki Íslands hefur gefið út nýjar reglur um verðtryggingu sparifjár og lánsfjár og taka reglurnar gildi þann 1. nóvember næstkomandi.
Breytingarnar munu hafa áhrif á eftirfarandi verðtryggða reikninga Íslandsbanka; Framtíðarreikninga, Húsnæðissparnaðarreikninga VTR og Sparileiðir.
Hingað til hafa reglur um verðtryggða reikninga verið þannig að innstæða þeirra er laus í einn mánuð eftir umsaminn binditíma, en eftir það bundist aftur í fimm mánuði í senn og síðan losnað í einn mánuð aftur o.s.frv. Frá gildistöku hinna nýju reglna verður innstæða verðtryggðra reikninga laus í einn mánuð að loknum binditíma. Að þeim tíma liðnum binst innstæðan á ný og verður upp frá því uppsegjanleg með þriggja mánaða fyrirvara.